أطيب ٥ محلات برغر ببيروت

إذا كنتو بتفكرو متلنا، أكيد بتكرهوا تاكلوا من نفس المطاعم كل مرة بيجي عبالكن برغر. فهيدي ليستا بأطيب مطاعم البرغر غير لي معودين نطلب من عندن بالعادة ببيروت.

١. تشيكين وبس، مار مخايل

ما فينا نزهق من الدجاج المقلي ولي بقرمش، لهيك رح نخبركن عن هل محل لي بيعمل دجاج متل KFC وأطيب. دجاج وبس بيعملوا دجاج كرسبي ومقلي مع كل الفواحش يلي رح تحبوها متل البطاطا المقلية وأكيد كل الصوصات يلي بيتمناها قلبكن. دجاج بروستد مغمس بصوص بالتوم مع صحن كبيس معرم وبطاطا محمصة من برا وطرية من جوا، شي بياخد العقل. وما تنسوا تجربوا كل أصناف البرغر يلي بتجي تلات أنواع مع دجاج كرسبي، سلطة، والصوص الغنية مع قطعة دجاج فخمة مغطاية بصوص وغيرها من الإضافات الغنية- مننصحكن تجربوا كل أنواع البرغر مع أصحابكن وتقسموهن قطع ليطلعكن قطعة من كل شي لأن عنجد شي روعة.

الرقم: 369 909 03

٢. ستايك كراش Steak Crush، الجميزة

بتحبوا الستيك؟ اللحمة عند هل محل بتنشوي قبالكن هيك بتشوفوا كل شي عم يتحضر قدامكن وبتشموا الريحة قبل ما توصل على بطنكن. مش مبالغة إذا قلنا عن هيدا المحل إنو بقدم برغر خيالية بكل أنواعها بالطعمة والشكل والريحة الطيبة والصلصة المجنونة! جربوا الكلاسيك ستايك برغر، شقفة لحمة رقيقة مع جبنة سايحة شي قوي رح ترجعوا لتجربوها بعد أكتر.

الرقم: 921 889 78

٣. هوت بايتس Hot Bites، بير العبد

إذا بعد ما جربتوا هيدا المطعم ببيروت، يعني ما فيكن تعطوا رأيكن عن أطيب مطاعم للبرغر، هيك لازم يكون البرغر! دايمًا محمسين ليعملو أطيب برغر والمشواية ما بتوقف، ضروري تجربوا التشيكين فيلي برغر، وبرغر الكاجون، وكمان البرغر السبسيال بالمحل يلي بتجي مليانة جبنة مع خلطة رهيبة.

الرقم: 619 554 01

٤. ستريت كافي، سليم سلام

للأشخاص لي بحبوا الجبنة كتير هيدا المطعم بيجمعهن مع البرغر، والصورة لحالها بتحكي عن الطعمة الطيبة. أطيب شي عند هل محل البرغر الملغومة بالجبنة: ريحة ومنظر شي رهيب! وكمان البطاطا المقلية السميكة والصوص الممسوحة على الخبزة وقطعة اللحمة أو الدجاج الجوسي مع بعض وأكيد السلطة لي بتشهي. بس تخلصوا البرغر تبعكن، جربوا القهوة عندن شي رهيب.

الرقم: 828 768 76

٥. كونز فود Cones Food، مار مخايل

ما فينا نخبركن قدي البرغر طيبة عند هل محل، صحن البرغر مع الصوص الروعة عندن ما في أطيب منو! بتاكلوا أطيب برغر مع جاط بطاطا مبحبح بسدلكن جوعكن على الآخر. حتى البرغر لي بتجي مع الجبنة الدايبة ما رح فيكن تقاوموها، بتندلق الصوص على الخبزة فوق شقفة اللحمة الطازة والخضرا الطيبة مع صوص جبنة بتنزل شوي شوي فوق اللحمة. حتى الباستا كتير روعة عند هل محل لازم تجربوها: شي بوقف القلب!

الرقم: 965 611 81

شوفوا كمان، أطيب ٥ محلات كبة ببيروت.