مطعم دون لاونج: قعدة راقية وسفرة غير شكل بصيدا

اليوم رح ناخدكن معنا على مدينة صيدا نبرم بأسواقها وأحيائها الأثرية ونوصل على مطعم Don Lounge، هالمطعم عندو قعدة مرتبة بالمنطقة وأكل بشهي، شوفوا معنا شو مخبيلكن.

هالمطعم كبير وعندو طابقين، الديكور مودرن وكتير مرتب، الإضاءة روعة وفي لوحات وفنية راقية، بقدم ترويقة ومخبوزات وأكل عالمي كمان.

على الترويقة بحضر أشكال وألوان، وهني بيخبزوا كل شي على إيدن بكل إحترافية، فيكن تجربوا الكرواسون الطازة ولي بتقرمش وتغمسوها بفنجان قهوتكن الصباحية.

جربوا الأومليت مع الخضرا إذا عبالكن بيض، أو مختلف أنواع الجبنة مع اللحمة على جنبن المربى والزبدة والعسل، أو اللبنة والزيتون والفواكه المجففة من المشمش والفواكه الطازة للفريز والكيوي والموز مع القشطة الطيبة، عندن كمان وافلز حلوة وشهية مع صوص شوكولا وكمان مخبوزات بالزعتر والجبنة الدايبة وقصص كتير طيبة وبتشبع على الصبح.

على الغدا كمان بتلاقوا أكل عالمي محضر بكل فن، فيكن تجربوا الباستا لينغويني بالقريدس أو الستيك الشهية والدسمة أو الدجاج بصوص الفطر أو فيتوتشيني ألفريدو بالدجاج المليانة صوص، وعندن سلطات مهضومة متل سلطة الكينوا وسلطة الفجل وكمان خبز البروشكيتا بطعمات ومكونات مختلفة.

وعلى التحلاية جربوا عندن التشيز كيك بالفريز، أو قطعة تيراميسو مع القهوة، وبراونيز بتدوب بالتم وقصص تانية بتفرفح القلب حسب شو عبالكن.

للمزيد من المعلومات، اتصلوا على 626 736 70

شوفوا كمان، ٧ مطاعم إيطالية ببيروت لجو الحب والرومانسية.