دار بيروت: مطعم بقدم مطبخ لبناني حيسحركن

عبالكن شي قعدة تتسلوا فيها؟ ترجعوا زغار وتمبسطوا من قلبكن من جوا؟

تعرفوا عدار بيروت، مطعم لبناني مهضوم بشارع الجميزة، بيروت، بقدم أطباق لبنانية وعندو قعدة لبنانية بتاخد العقل!

هل مطعم مش متل أي مطعم، تعرض للضرر الشديد بعد انفجار بيروت بس رجع فتح بوابو بعد كل شي صار، يعني بيستاهل حبكن على قد ما بدكن.

القعدة عندن غير شكل وما بتكمل غير مع سفرة طويلة عريضة من أطيب الأكل اللبناني على أصولو! ومش بس بيطعموكن أكل طيب، بدن يخلوا ذكرياتكن حلوة. الدار داركن!

قبالكن صور البيوت اللبنانية التراثية واللوحات لي بتجسد الحياة اللبنانيي التراثية والزي اللبناني الأصيل لترجعوا بالزمن على إيام الماضي الجميل.

مازة ومشاوي على أنواعها، وكل شي عندن بينعمل فريش يعني نكهة بتاخد العقل ومنظر بشهي. غير هيك، بحضروا طبخ لبناني وصحن يومي كل يوم متل أكل البيت وأطيب، كل لقمة من القلب بتوصل على بطنكن وبتخليكن تنبسطوا بكل لحظة. نصيحة جربوا الرز على دجاج مع الصوص الروعة لي بحضروها وصحن الفتوش مع زيادة دبس الرمان…رح يعجبوا خاطركن.

أطيب شي رح يجي على طاولتك هوي الخبز المرفوخ الطالع طازة من تحت النار. غير هيك الجو بيتوتي ودافي، بتحسوا حالك ببيتكن قاعدين مع رفقاتكن وأهلكن عم تاكلوا وتضحكوا.

تركوا محل للحلو لأن في كتير خيارات جديدة وغريبة وقصص كلاسيكية… صراحة تحلية الدار مش أي دار!

يلا على الدار!

لتعرفوا أكتر عن هل محل شوفوا، 888 011 76

شوفوا كمان هل محل المهضوم: نومة بالجبل، برغر وقعدة حد النار.