بنص الشتوية: ١٤ شغلة تعملوها بضيعة القموعة

للناس لي عبالها تعيش لحظات بعيدة عن العالم وبعيدة عن كل شي عم بصير، المشوار على عكار بهل طقس وتحديداً على القموعة بطول العمر خاصةً إذا كان التلج مغطى كل المرج ومزين الساحات. لأنا منحب كل شبر من لبنان وكل شي في من شمالو لجنوبو، حبينا اليوم من بعد ما عرفناكن على ١٤ شغلة تعملوها بضيعة فالوغا، نطلع على الشمال ونعرفكن على ١٢ شغلة فيكن تعملوها بضيعة القموعة لتقضوا نهار ما بينتسا.

١. بلشوا نهاركن بأطيب مناقيش على الصاج عند تنور أبو خنجر بعندقت

مناقيش زعتر وجبنة مع بيض مقلي وصحن خضرا بلدي وبريق شاي إكرك عجم وصحن لبنة بلدي غير شكل

رح تستمتعوا بأحلى منظر على مد عينكن والنظر لكل وادي عودين الخيالي

الرقم: 220 445 03

٢. ما بتكمل التروية من دون مونة بلدية من عند مونة القموعة

جربوا المكدوس، اللبنة المكعزلة مع خبزة بلدية والتحلاية أكيد لقمة مربى غير شكل

الحلو بهل أكلات البلدية إنو بس تخلصوا بتعبوا سلة وبتنزلوها معكن على بيروت

الرقم: 159 561 70

٣. تمشوا بالطبيعة الساحرة وتأرجوا على البحيرة المجلدة

٤. إذا بعد ما اكتشفتوا أجمل غابة بلبنان، رح تنبهروا لما تزوروا غابة العزر

هل غابة رح تحسسكن إنكن سافرتوا ورحتوا على شي بلد بعيد خاصةً بس يكون التلج مغطى أغصان الشجر

٥. عملوا بيكنيك بالطبيعة وطلعوا معكن بريق شاي وولعوا نار

٦. تمشوا بسهل القموعة واكتشفوا الطبيعية الرائعة وجربوا ركوب الATV وسيارات التلج بالسهلة

٧. استمتعوا بالتلج وعيشوا مغامرة ركوب الخيل على التلج لأول مرة بحياتكن

رح تحسوا حالكن بشي فيلم رومانسي

٨. تغدوا بمطعم غابات أرز القموعة وكلوا أطيب أكل لبناني

المنظر روعة، خلصوا أكل على رواق وعيشوا تجربة شرب فنجان شاي مغطى بالتلج

إحساس الصخن والمسقع عم بدوب بتمكن…

الرقم: 080 355 70

٩. تمشوا بالطبيعة وعيشوا تجربة السكي الحر مع الأصحاب

١٠. حد المطعم، تفرجوا على غابة الأرز والصنوبر المغطايي تلج أبيض

١١. عيشوا لحظات رومانسية على التلج، شوفوا غياب الشمس من أبعد قطعة بلبنان وشوفوا النجوم

١٢. كلوا أطيب لقمة بلدية عند عمو هيكل بمطعم مخبى بجرد القبيات

هيكل الشنبوق قاعد ببيت حجر زغير مكننكن، بحضر كل الأكلات من الجنينة وبمكونات طبيعية وعندو أطيب خبز مرقوق

لازم تحكوهن وتحجزوا محل قبل بوقت

الرقم: 184 686 81

١٣. ناموا بقلب بيوت الخشب مغطاية تلج ابيض عند شاليهات سما القموعة

القعدة كتير مريحة نفسياً، رح تشعروا حالكن بمحل كتير بعيد

الرقم: 099 952 71

١٤. فيكن كمان تقرروا تهربوا من همومكن وتناموا بمنتجع الكهف

بيت خشب، قعدة نار، موسيقى، دفا وتلج أبيض!

الرقم: 103 411 70