١٩ نكتة لبنانية كتير بايخة بعدها بتفطس ضحك

لأنو الضحك بطول العمر وما في أحلى من الضحك ليطقطقوا خواصرنا، شوفوا معنا كم نكتة لبنانية ما في أبيخ منها بس بعدها بتضحك، منتحداكن ما تكونوا بتعرفوهن!

١. مرة وحدة رقصت باليه، فزعل منها.

٢. فلين ولا كرتون؟

٣. واحد طويل ووحدة طويلة جابو ولد، بعدن عم يسحبوا فيه لهلق.

٤. في واحد لفّ الكوع، أم أكلو.

٥. في واحد نملت إجرو، ام رشلها بيف باف.

٦. كان في ٣،٢،١، إجا الرابع عجقها.

٧. سئيل وسئيلة تجوزوا، جابو ولد عامل حالو ميت.

٨. مرة وحدة حبت تشطف، بس تشطف ما حبها.

٩. مرة واحد لبس كلسات خضر، أم خضر لبسلو كلساتو.

١٠.مرة واحد حضر فيلم رعب، مات من “الخوخ”.

١١. خود هالصابونة وزحط.

١٢. خياط طلب إيد خياطة، وعرسن “القميص” الجاي.

١٣. بخيل تجوز بخيلة، جابو ولد حطو بالبنك.

١٤. في واحد أكل صفوف، أم تدشى تلاميذ.

١٥. في وحدة كتير حرّيصا، أم ركبولا تليفريك.

١٦. في واحد شاف ساعته واقفة، أم قلها تقعد.

١٧. مرة واحد بلع منشفة، أم نشّف ريقه.

١٨. في واحد أناني، قامو عبو مي.

١٩. مرة دجاجة تحمّمت ب Head & Shoulders، أم جابت بيضة بلا قشرة.

بدكن تضحكوا بعد؟ ١٩ شغلة منسمعها كل سنة على سهرة راس السنة بلبنان