أكبر معرض كتاب على المي عم يزور بيروت

لكل محبي الكتب والقراءة، جبنالكن خبر حلو!

أكبر معرض كتب على المي عم يزور بيروت هالشهر، ما تروحوا الفرصة عليكن! معرض MV Logos Hope ناطركن بمرفأ بيروت من ١٦ كانون الأول حتى ٣١، يعني لآخر الشهر عندكن فرصة تبرموا وتفتلوا وأكيد تجيبوا أحلى هدايا بموسم العيد. عندن مجموعات للكتب كبيرة ومن كل أنحاء العالم، بتجبلكن تجربة ما بتنتسى وكتب مميزة تضيفوها على مكتبتكن الخاصة.

آخر مرة زار المعرض بيروت كان بسنة ال ٢٠١٠، ووقتها استقبلو أكتر من ٢٥،٠٠٠ زاير على متن الباخرة، وهلق عم يختملنا سنة ال ٢٠٢٢ بأجمل تجربة!

الدخولية رح تكون ب ٢٠،٠٠٠ ل.ل. وبتدفعوها على المدخل، الفوتة رح تكون ببلاش للولاد تحت ال١٢ سنة والكبار فوق ال ٦٥ سنة.

شو بعدكن ناطرين؟ زوروا المعرض مع أصحابكن اليوم واشتروا أروع كتب!

للمزيد من المعلومات، تابعوا MV Logos Hope هون.