مطعم ذوات: مازة غير شكل مع قعدة على قلعة صيدا

مشوارنا اليوم على مدينة صيدا العريقة بيتضمن أكل طيب ومناظر حلوة وتاريخ قديم، مشوا معنا على مطعم الذوات الصيداوي، بتلاقوا أكل لبناني ومازة مميزة ومأكولات بحرية وحتى ترويقة وحلويات شهية ناطرتكن.

مطعم الذوات بيتميز بموقعه لي بطل على قلعة صيدا البحرية وقريب على أسواق المدينة القديمة، ديكورو قديم ومهضوم وعندو منيو غير شكل رح بتاكلوا على صوت أمواج البحر.

بتميّلوا على المطعم الصبح وبتاكلوا أطيب ترويقة، من مناقيش الزعتر مع الرمان بتطلع طازة وسخنة، لترويقة لبنة وفول وجبنة مع صحون خضرا معرّمة، وأطباق فتة مليانة لراسها بالكاجو لي بيقرش، وأكيد بيتقدم الاكل مع الحلو المزيّن بالفستق والقطر لطعمة بتحلّي التم عبكرة الصبح!

وإذا كان وقت الغدا، عندكن خيارات شهية وطيبة، فيكن تتطلبوا مشاوي مشكلة مع خبز مشوي على المنقل، ومليان بخلطة الفليفلة الحرة مع سلطة بقدونس وبصل، بتغرفوا اللحمة بخبزتكن وبتاكلوا لقمة روعة.

وأكيد ما مننسى تشكيلة ذوات الطيبة من اللحمة النية، الكفتا والسودة والفرايك والكبة، كلها مقدمة مع خضرا طازة جنب أطيب البهارات.

هالمطعم بيتميز بالمازة، كلها أطباق مزينة بإضافات رائعة لتعطي طعمة شهية ومقدمة على سفرة بتاخد العقل أد ما ملونة ومليانة. المازة السخنة من الفطاير ورقاقات الجبنة والكبة رح تعجبكن كتير بطعمها الأصيل، أما صحون الحمص مع اللحمة والمتبل والنقانق وراهب الباذنجان غير عالم، بتتقدم مع سلطات مختلفة ولذيذة، ومتبّلات بوصفات المحل، بتغمسوا فيها لقمتكن لتطلع غير شكل!

معروف كمان بتحضير مانيو مأكولات بحرية روعة ومن الأقوى بالمنطقة، لح فيكن تاكلوا سمك طازة مع منظر على البحر، فيه أحلى من هيك؟

بحال حبيتوا المحل، فيكن تتواصلوا على 03/661319

شوفوا كمان، مطعم كركند: مأكولات بحرية على صوت موج والبحر .