مطعم يوناني جديد ببيروت: رومانسية وأكل طيب

ميلوس Mylos مطعم يوناني جديد فتح بوابو بالعاصمة بيروت ليقدم نكهات اليونان الطيبة على أطباق مثيرة الجمال.

بين الموساكا والكباب أورزو ودجاج سوفلاكي وغيرها من الأطباق، بتحتاروا شو تاكلوا عندو. بس ما تعتلوا هم، شو ما تطلبوا رح يكون بشهي.

الطاولات الزرقا وأواني الزهور الحلوة أكيد رح تعجبكن بهل مطعم اليوناني. كل لقمة دجاج وكباب مع التتبيلات اليونانية رح تبعتكن على رحلة ممتعة على شوارع ميكونوس مع حبيبكن.

ومتل ما بتعرفوا بيشتهر المطبخ اليوناني بأطباقو الغنية بالخضرا والسمك وثمار البحر واللحوم المشوية الغنية بالتوابل والأعشاب متل ورق الغار والريحان والنعنع والزعتر وبالعطور وصلصات التوم والكزبرة والحامض وزيت الزيتون وهيدا المطعم بقدم كل هل أصناف وأكتر مع أطيب كأس نبيد.

شي مرة مجربين الأوزو؟ الأوزو هوي أشهر وأطيب مشروب يوناني، بيشبه العرق اللبناني مع تركيبة يونانية ساحرة، بيتقدم عادةً مع الأكل وبجيب الفرح والبسط للأشخاص وخاصةً بوقت الجمعات الكبيرة.

بس تخلصوا ما تنسوا تتركوا محل ببطنكن للحلو لأن الخيارات غريبة وبتشهي متل البقلاوة اليونانية الأصيلة، لفات الشوكولا بالجوز، والياغورت اليوناني.

على فكرة، إذا عبالكن تفاجأو حدا أو تحتفلوا بعيد ميلاد حبيبكن، هل محل كتير خرج وبيعطيكن الأجواء الرومانسية لي عم تنبشوا عليها.

سافروا على اليونان وعيشوا ليلة يونانية حقيقية بهل مطعم المهضوم مع أكتر حدا بتحبوا.

للمزيد من المعلومات اتصلوا على: 594 444 76

شوفوا كمان: تعرفوا معنا على أجمل المطاعم اليونانية بلبنان.