حدا آكل كنافة على شوكولا؟ جربوها هون

يلي ضرسه حلو وما بيشبع من السكر أكيد رح يحب هالاختراع: الكنافة على شوكولا!

شي مرة أكلتو كنافة وتمنيتوا لو فيها شوكولا؟ شي مرة تمنيتوا لو بيجتمعوا أكتر شغلتان بتحبوهون بالدني: الكنافة والشوكولا؟ خلينا نخبركن إنو حلمكن صار حقيقة عند كنافة كلوب Kunafa Club الموجود بأنطلياس- يلي بيعمل كنافة على شوكولا مع خلطة سرية.

بعدكن محتارين وين الترويقة أو العصرونية أو حتى العشا اليوم؟ خدوا أصحابكن وتوجهوا عند Kunafa Club!

محضرة من طبقات الشوكولا الطري والسميد المحمر، هل كعكة السوبر روعة رح ترضي عشاق السكر بقوة.

شو بدنا نخبركن بعد؟ الكنافة الكلاسيكية مع جبنة دايبة وبتمغط مغط… ما فيكن ضاينوا أبداً على منظرها.

شو بيعملوا كمان؟ غاتويات كنافة على كل الطعمات، يعني إذا بتعرفوا حدا قرب عيد ميلادو ومغروم بالكنافة، صرتوا تعرفوا شو لازم تعملوا!

ما بتفلوا من دون ما تستحلوا مي الورد، شراب التوت ومي الزهر المعمولين على الإيد لتتحلوا فيهن بالبيت.

جربوها وخبرونا شو رأيكن!

لتعرفوا أكتر عن هل محل، اتصلوا على 979 556 03.

شوفوا كمان، شي مرة مجربين بيتزا على دوناتس؟ اكتشفوا معنا هل محل.