شاليه المطحنة: بيت ضيافة وقعدة عربية مميزة

مشوا اليوم نطلع مشوار مهضوم على الجنوب ونبقى شي ليلة أو تنين بشاليه غير شكل. تعرفوا معنا على شاليه المطحنة بضيعة البريقع العتيقة، شاليه بنص الطبيعة ومحاوط بالشجر والخضار لتقضوا وقت تنبسطوا فيه على الآخر. كفوا معنا لتعرفوا شو خبريته.

شاليه المطحنة وجهتكن المثالية لترتاحوا بالجنوب، بيت صخري من بيوت لبنان الأثرية، عنده ديكور مطرز قناطر متل القصور وتفاصيله بتاخد العقل- درج ساحر بيستقبلكن وبلكونات عندها أجمل فيو.

المميز بهل شاليه انو موقعه روعة، بيطل على الغابة ودغري حده نبع جاري، بتستأنسوا بالقعدة على ضفافه النهار كله، بتاكلوا وبتكنكنوا على صوت خرير المي. في أحلى من يوم غير شكل بالطبيعة مع العيلة والأصحاب؟ فيكن تستمتعوا بالقعدة بالطبيعة وتتمشوا بأحضان الطبيعة، وترجعوا تعملوا أطيب مشاوي على الغدا.

أول ما تفوتوا بتشوفوا القعدة العربية التقليدية وبوجها شامينه: جو دافي وعربي على المزبوط.

بوحدة من أوض هالشاليه، حتلاقوا جاكوزي بياخد العقل، بترتاحوا وبتستجموا فيه ساعات وساعات.

بقدملكن شاليه المطحنة غرفتين نوم مع تخوتة مهضومين لنومة هنية، وأوضة قعدة عربية مقنطرة، ومطبخ مجهز بكل شي بتعوزوه. وفوق هيك، فيه مسبح وقعدة جنينة تحت الشجر.

الشاليه مثالي ل ٥ أشخاص، يعني خرج جو عيلة أو جمعة مشاوي وأصحاب.

حبيتوا المشوار؟ لتحجزوا، اتصلوا على: 229 818 76

شوفوا كمان: ٦ بيوت ضيافة جبلية ساحرة