مشوار على ضيعة بسكنتا: ١٥ شغلة تعملوها بهالمنطقة

بسكنتا من أجمل الضيع بلبنان، عاصمة الحضارات والعنفوان وموطن التفاح والثمار الطيبة، قاعدة فيها أكبر غابة صنوبر بالشرق الأوسط، ونايمة على كتف وادي الجماجم. من بعد ما عملنا مشوار على ضيعة مزيارة، مشوارنا اليوم على ضيعة التفاح ومسقط رأس مخايل نعيمة بسكنتا لنتعرف على هل ضيعة المميزة.

١. بلشوا نهاركن بترويقة غير شكل من تحت ديات كريكور لي معروف إنو بيعمل أطيب مناقيش بالضيعة

فرن كريكور تأسس من 56 سنة، وبعدو عمو كريكور لليوم بهمتو، واقف على إجري عم يعجن ويخبز ويعمل أطيب مناقيش معقول تاكلوها

الرقم: 293 280 04

٢. شوفوا جنينة مخايل نعيمة بالشخروب وتأملوا حياة هل كاتب العظيم

٣. زوروا كنيسة السيدة لي عمرها فوق ال400 سنة وعيشوا السكون والهدوء

٤. تفرجوا على بيوت القرميد واتمشوا بشوارع الضيعة العتيقة

٥. زوروا مركز عبدالله غانم الثقافي

الرقم: 101 288 04

٦. تفرجوا على الشلال المخبى بالطبيعة

٧. عملوا تمشاية بالطبيعة واكتشفوا غابات الصنوبر الساحرة

٨. كلوا أطيب لقمة بيتوتية عند مطعم جسر النهر مع أجمل قعدة

الرقم: 858 288 04

٩. فيكن تنقوا تقعدوا على الشير بقلب الطبيعة عند مطعم شوار جريد

الرقم: 064 795 03

١٠. زوروا أكبر صليب بالشرق الأوسط ببكيش

١١. انزلوا على ساحة الضيعة وتمشوا

١٢. تفرجوا على وادي الجماجم لي ولا إنسان قدر يوصل لعمقوا بعد

وادي عميق كتير وبيقولوا إنو بالزمانات وقت عملوا المماليك حملة إبادة على ولاد المنطقة كانت تنكب الجتت بالوادي ولهيك تسمى وادي الجماجم

١٣. شوفوا غياب الشمس من The Bevview وعيشوا لحظات ما بتنتسى

فيكن تقضوا ليلة كمان بهل مكان الساحر على راس الجبل

الرقم: 976 623 03

١٤. تعشوا بالPlateau de Bakish ببكيش مع أحلى منظر

الرقم: 092 992 76

١٥. قضوا ليلة ساحرة ببيت ODOM by ODIN

تخايلوا التلج غطى الجبال والوديان وصار اللون الأبيض على مد عينكن والنظر وإنتو قاعدين بقبة مقززة، قدام الدفاية، وقادرين تشوفوا كل هل الجمال من عندكن

الرقم: 092 992 76