٦ محلات فيكن تطلبوا منن ساندويشات طاووق غير شكل

شو في شي أطيب من ساندويش الطاووق على الفحم؟ أكيد ولا شي … كرمال نعرفكن على مطاعم بيعملوا ساندويشات طاووق طيبين غير المحلات المعروفين بالعادة، رح نعمل جولة على ٦ محلات من حول لبنان لازم تجربوها.

١. فخري

محل بيعمل دجاج على الفحم من سنة 1982، بس لي مش مجرب الطاووق بكون مش عارف طعمة تمو، غير إنو الدجاج طازة وطري، الصلصة بتشهي والتوم لي بيعملوا كتير طيب وخفيف منو دلع وما بتحسوا في أبداً.

الفرع الأول: الحازمية

الرقم: 787 454 05

الفرع التانى: المنصورية

الرقم: 940 533 04

٢. مطعم الحلبي، أنطلياس

معروف إنو بيت الأكل اللبناني الفاخر ومش الكل بيعرف إنو عندو مطبخ مفتوح بيعمل أطيب الساندويشات متل اللحمة والقصبة دجاج والكفتا. جربوا ساندويتش الشيش طاووق المعمولة من الخبز اللبناني، قطع الطاووق اللذيذة، والتوم. الشيف بيشوي الطاووق المتبل بمهارة مع تتبيلة المحل الخاصة، قبل ما يحط السيخ بالخبزة ويصب توم ويلف الساندويش منيح ويحمرها فوق الشواية.

الرقم: 555 523 70

٣. ديوان الهاشم

بيت الساندويشات السريعة والطيبة، بقدملكن ألذ وأطيب الساندويشات اللبنانية، الطاووق عندو طيبة وكريمة، وأكيد مليانة توم!

الفرع الأول: الزلقا

الرقم: 797 898 01

الفرع التانى: كفردبيان

الرقم: 920 898 78

٤. عرواق كافي، ذوق مصبح

هيدا المحل عندو كل أنواع الأكل بس البرغر وسندويشات الطاووق ما في متلن! خبزتو طرية بتاخد العقل، بسيطة بس ما بتنتسى.

الرقم: 237 373 03

٥. بالبعلبكي، بعلبك

بيعمل طاووق على الخبز المرقوق وبحضر مختلف أطباق المازة اللبنانية وأصناف المشاوي على أنواعها.

الرقم: 946 454 71

٦. خانديتوتش، جبيل

هل محل موجود بنص السوق العتيق بجبيل وبيعمل أطيب ساندويشات على الفحم. لازم تجربوا عندو الطاووق الفول أوبشن، يلي بتجي معها سحبة توم بتعجب خاطركن. يعني بطاطا مقلية، كبيس، توم، وخبز محمص ومدهون بقلبو توم، كل لي عليكن تعملو هو إنو تاكلوا لقمة وتنغرموا!

الرقم: 341 541 09

شوفوا كمان، دليلكن لأطيب برغر بالضيعة: ٥ مطاعم لازم تجربوها.