كم وحدة من هالعبارات الشمالية بتعرفوا؟

أهل الشمال مشهورين بالعبارات المهضومة يلي أغلبها بيخلص ب”أو” يلي بتضلها على كل لسان بس رح نخبركن اليوم عن أغرب عبارات وكلمات شمالية ممكن تسمعوا فيها بحياتكن ونجرب نشرحلكن ياهن. ١. سكاملة: طاولة ٢. التبسة: منفضة زغيرة ٣. بشكير: منشفة ٤. من البابوج للطربوش: متل جايي من التركي بمعنى من فوق لتحت، “البابوج” يعني صباط و”طربوش” غطا الراس ٥. إسا شوي: بعد مش هلق ٦. إجا هيك جان: إجا صوبنا ٧. راح هك رح: راح لبعيد ٨. القاطع: يعني الحي والشارع المقابيل شارعنا، وبحسسوكن أهل الشمال هني وعم يوصفوا القاطع إنو عم يحكوا عن شي شارع بأميركا ٩. دين موتاك: محطة كلام بس عند الشمالي وخاصةً الزغرتاوي لي بس يعصب ما في ما يقولها وبتطلع كتير مهضومة منو ١٠. ولي/ولا: يعني بس حدا يعيط لحدا بهل طريقة الله يستروا ١١. طبخة مخترنة: طبخة مستوية ١٢. حلسة مالسة أو متل خد البنت : شي ناعم ورقيق ١٣. خطي: حرام ١٤. العجي: ما حدا بقول الولد، الكل بقول عجي زغير ١٥. عدجان: ولاد الشارع ١٦َ. يا دوب/ علوان: أنجق نلحق ١٧. تطلي: المربى ١٨. خطي يا ولدي علي: يا حرام شو معتر ١٩. جربوع، جرابيع: يعني حدا مش كتير موزون وبضحك الناس علي ٢٠. بحبوح: بخيل ٢١. يخرب بيتك: محطة كلام عند الشمالي ولو ما في مشكل صاير، معود بعد كل كلمتين بدو يقولها ٢٢. روج: عجل ٢٣. بجاه موتاك: “حق موتاك”، يعني ما بيرتاح الشمالي من إنو يحلف بالموتى ٢٣. بجاه الرب: بمعنى “حق الله” وبقولهوها الشماليي ليزايدوا بس حدا يستفزن وبتطلع كتير مهضومة منن ٢٤. ولاد البكليك: بكليك جايي من التركي، هل عبارة بتوصف ولاد الحرام ٢٥. حاطت طلوق بتمك: عم تاكل كمشة كبيرة، أنجق سايعة بتمك ٢٦. بنوب: أبداً شوفوا كمان عن أهل الشمال: بتعرفوا معنى هالعبارات الزغرتاوية؟