دا صوفيا: قطعة من روما بقلب لبنان

منعرفكن على مطعم Da Sophia دا صوفيا، مطعم إيطالي جديد رح يسحركن.

جوهرة مخفية بمنطقة بدارو ببيروت بيتمتع بجو رومانسي وبيتزا وباستا رح تجذبكن دغري.

أول ما توصلوا علي بتحسوا حالكن صرتوا بروما، وهيدي تجربة مهمة لكل مين ما قدر يسافر هالسنة. بتفوتوا على المطعم بتشموا الريحة الطيبة، الموسيقى الحلوة وألوان الحب والغرام.

بلشت قصة المحل مع التيتا نولا يلي كانت تحب العزايم كتير وتعمل أطباق كبيرة وكريمة وهيدا المطعم هيك رح يجبلكن أكلات التيتا النولا البيتوتية على طاولتكن.

بتتميز القائمة الإيطالية بأطباقها التقليدية متل باستا بالمأكولات البحرية، معكرونة كاربونارا، البيتزا، الريزوتو، و كتير غيرهن! ساحر وخفيف الإضاءة.

خود حبيبك لسهرة ممتعة على التراس.

كل الشافيي لبسوا الأسامي الإيطالية ورح تلتقوا بالشيف مالديني وأنجيلو، بريمو وماسيمو.

رح تعيشوا سفرة على إيطاليا بقلب لبنان.

كل شي مخبوز طازة بالمطعم ومطبوخ على المظبوط من مكونات إيطالية، وكل الأطباق كتير طيبة وكبيرة!

متل تاغلياتيلي بورتشيني يلي مكونة من فطر، جبنة بارميزان وكريمة طازة والصوص يلي بتاخد العقل.

تأكدوا إنو تتركوا مساحة للحلو لأن التيراميسو كتير طيب.

بيوصل الأكل الطيب وبتحضروا الصوص الخاصة فيكن بقلب جرن زغير من المكونات الموجودة على الطاولة مع شوي زيت زيتون وبالساميك ورشة ملح أو جبنة بطريقة الإيطاليين اللذيذة.

بس قبل ما تروحوا لازم تعرفوا إنو فيكن تحصلوا على 25% حسم على الفاتورة إذا بتزوروا موقعن الإلكتروني.

العنوان: أويتل The Smallville، بدارو، بيروت

الرقم: 552 995 70

شوفوا كمان، ٨ مطاعم مميزة للأكل الأرمني التقليدي.