قرطبة ببعبدات: أكل شرقي وأجواء رومانسية ساحرة

مشوا صوب المتن، على غدا بالجبل وبين شجر الصنوبر العتيق. قاعد بمنطقة بعبدات الجبلية مطعم قرطبة بعبدات، مميز بتقديم الأكل الشرقي، الأجواء الساحرة، والقعدة الرومانسية. كفوا معنا لتعرفوا أكتر.

عنده إطلالة بتاخد العقل للجبال والطبيعة ومحضون بشجر الصنوبر المعمرة.

المطعم عالموديل اللبناني التراثي، صخري ومكنكن مع لمسات مرتبة من الورد الحلو والمعلق. الأجواء بهالمطعم دافية وكلاسيكية، خاصة بالليل مع الأضواء الساحرة.

عنده كذا قعدة حسب الموسم والطقس. القعدة الشتوية ملبسة بالصخر مع جلسة خشبية وورد، بتلاقوا بيانو وليالي موسيقية متنوعة من جاز وعود وغيرها مع تدفئة.

قعدة التراس واسعة وبتطل على الجبل وفيها جلسات كلاسيكية من الخشب، الأجواء رومانسية على الآخر. حتى عندن جلسة على السطح مع إطلالة على مدى النظر، قعدة ساحرة ورايقة بالهوا الطلق.

الحلو بالمطعم انو فيكن تستفيدوا من أجوائه الساحرة لمناسباتكن المميزة وحفلاتكن الخاصة مع الأحباب والأصحاب.

قرطبة بقدملكن الأكل اللبناني والشامي والارمني وكل نكهات الشرق بطريقته الخاصة. عنده وصفات مميزة للأكل التراثي لتاكلوا لقمة طيبة ما بتلاقوها الا عنده. سفرته مليانة ومعمولة باحترافية ومقدمة بكل ترتيب وفن. كمان بتلاقوا عنده المازة غير شكل. يعني شي بيفتح النفس!

بحال حبيتوا، فيكن تتصلوا بالمطعم على الرقم: ٧١٦١٤٧٠٥

شوفوا كمان، ياسمين: جنينة وموسيقى وقناطر بهل المطعم الساحر