فندق القادري الكبير: فيكن تشوفوا جمال زحلة من خلاله

بلش تاريخ لبنان مع تاريخ هل أوتيل… عام 1913 تم افتتاح فندق القادري الكبير بالقلب النابض لمدينة زحلة، كتير حلو من جوا ومن برا رح يسحركن.

خلينا نخبركن قصته… يعتبر فندق القادري الكبير من الأوتيلات التاريخية الباقية بلبنان ويمكن أقدم بلبنان، عاصر الحرب العالمية الأولى والتانية والحرب اللبنانية وشهد على استقلال لبنان وعلى إعلان دولة لبنان الكبير.

البعض بقول إنو احتل جمال باشا الجزار الأوتيل إيام الحرب العالمية وحولو لمسكن لإلو ولجيشو، بس بعد الحرب صار مركز للجنود الفرنسيين المهمين.

رغم كل شي قطع على لبنان، صمد هل أوتيل صمود لبنان وبالآخر رجعت الأرض لصاحبها.

أهم الشخصيات السياسية قطعت على الأوتيل متل الجنرال ديغول والضباط والعناصر العسريكي الكبار.

فندق القادري الكبير بيستقبل الزوار أحلى استقبال، هل أوتيل عبارة عن بيت حجر أثري وقناطر بطل على أجمل مناظر زحلة من بيوت أثرية والجبال على مد عينكن والنظر. يلي مش رايح على زحلة بحياتو، رح يكتشف جمال المنطقة!

الأوض حجر وواسعين وكتير مريحين بحسسوكن بالفخامة وبنفس الوقت بالراحة.

أما الفرش فمميز بلمستو التقليدية والحديثة بنفس الوقت والمصنوعة من أجود أنواع الخشب وأحلى الألوان الراقية مع إضائة رومانسية حلوة.

قاعد بساحة الفندق، مطعم ساحر بألوانو وأكلاتو الطيبين، بتقعدوا على الكراسي المليونين وبتعيشوا لحظات هدوء وسكينة بقلب الضيعة.

وكمان في قعدة جوا دافية مكنكنة.

بقلب الأوتيل كمان في بيسين واسع وشرح لإذا عبالكن تتشمسوا بالصيفية وبتلاقوا كمان قعدة بساحة الأوتيل مميزة.

إذا حبيتوا الفكرة وعبالكن تعيشوا هل تجربة المميزة، اتصلوا واحجزوا على 038 800 08

شوفوا كمان قصة هل أوتيل المهجور ببكفيا يلي كان مدينة بحد ذاتو.