شوفوا معنا ٧ مطاعم بالجنوب لأكلة سمك ولا أطيب

مش بس منحب شم الهوا حد البحر أو على الكورنيش، بس كمان نذوق من خيرات وثمار البحر الشهية. و لكل محبي هالنوع من الأكل، مشوا معنا على الساحل الجنوبي و نشوف سوا ٧ مطاعم للمأكولات البحرية بسفرة غير شكل.

١- Tyros Resort

قاعد هالمطعم على شط الناقورة الصخري، فيكن تنبسطوا بأطباق أكل بحري ومنظر كتير حلو مع نسمات البحر.

الرقم: ٠٧٧٤١٠٢٧ | ٧٦١٠١٣٣٦

٢- Le Phenicien

المطعم الأطيب بصور للمأكولات البحرية مع إطلالة مميزة لمينا صور، سفرته مليانة والسمك طازة بمختلف أنواعه.

الرقم: ٠٧٧٤٠٥٦٤

٣- Redwood Resto

بقدملكن مختلف الأطباق العالمية والبحرية مع طعم مميز وجودة عالية بمدينة صور! و كمان فيكن تجربوا عندو السوشي على أصوله.

الرقم: ٧٦١٧٧١٢٥

٤- Yam Seafood

بتلاقوا المطعم بمدينة الصور.القعدة مرتبة والكميات كريمة بالأكل، خصوصي إذا بدكن سفرة سمك معباية ومشكلة للجمعات والعزايم الكبيرة.

الرقم: ٧١١٠٤٦٤

٥- فلوكة غسان

فلوكة غسان مطعم أصيل بصيدا وبيعمل مختلف أصناف السمك الطازة من عنده بالمسمكة وبجودة عالية. كتير بيتفنن بالأطباق لتاكلوا أكل مميز وطعمة غير شكل ما بتلاقوها الا عند غسان. السفرة عنده كريمة وملونة بكل شي بيخطر ببالكن.

الرقم: ٠٧٧٢٥٧١١

٦- سموكة

بتلاقوا المطعم بصيدا، المنيو كتير مميز عند سموكة، السمك طازة ومقدم على أصوله، المازة غير شكل والصوص فنية بطعم خاص بالمطعم. السفرة غير عالم ومثالية لكل عشاق السمك.

الرقم: ٠٧٧٣٢٨٥١ | ٧٠٦٠٥٨٧٢

٧- شبكة و صنارة

المطعم بصيدا، بتلاقوا عند شبكة وصنارة كل شي عبالكن من أنواع وأصناف للسمك والمأكولات البحرية، الكميات وفيرة وكتير كريمة، حتى المازة طيبة وكل شي طازة وبيعجبكن.

الرقم: ٠٧٧٣١١٥١ | ٧١٩٩٣٤٤٤

شوفوا كمان، مشوا على أطيب ١٧ مطعم بالجنوب مع مناظر بتاخد العقل.