عيشوا حياة الأمرا بهل بيت بدير القمر: شمعة، ورود وقناطر

التاريخ والتراث بيجتمعوا بهل محل المميز يلي بخليكن تزوروا الماضي وتستمعتوا بالحاضر بنفس الوقت.

رح تشموا ريحة الورود على الوصلة لتروحوا رحلة سعيدة على عالم تاني…

عم نحكي عن بيت الدير، بيت حجر من قناطر بيتمتع بمنظر خيالي بعاصمة الأمرا بدير القمر.

بيتميز هل بيت بهندستو التراثية وديكورو المميز التاريخي وبالقناطر الساحرة الجمال وبكل تفاصيلو وكل زاوية وحجرة في بتخبر قصة.

أوضة النوم بتشبه أوض الأميرات: شمعة مضوية، ورود، قناطر، برادي من أجمل ما يكون وشبابيك الحب.

هل بيت بيتألف من عدة غرف وتصميمها ملوكي وكل وحدة مخباية قطعة تراث من لبنان.

تمتعوا بفيو على الطبيعة عالفيقة، وأجمل غروب شمس بعد الضهر، شي برد الروح!

أما بالنسبة للأسعار بالليلة فهي غالية شوي يعني بحسب تطبيق Airbnb الليلة بتكلف حوالي 321$ للبيت كلو.

لتعرفوا أكتر عن هل بيت، اتصلوا على هل رقم 096 707 03

شوفوا كمان، اكتشفوا ١١ أماكن خريفية بتطير العقل بلبنان.