هيدا المحل بالبترون عامل بوفيه غير شكل هل ويك-أند

مين منا ما بحب البوفيه المفتوح؟ أحلى وجبة فيها تتضمن الحلو والمالح، وفيها تمد شي ساعات!

دللوا حالكن ومشوا معنا على مطعم بيوماس بجرود البترون القاعد بقلب الطبيعة. بيوماس Biomass عم بقدموا هل ويك-أند بوفي في كل أكلاتنا المفضلة! من متبل حمص للبطاطا الحرة، كل الأكلات اللبنانية يلي منحبها موجودة!

بس توصلوا على بيوماس رح تحسوا بالسحر الموجود والجمال يلي بتعجز الكلمات عن وصفو: شجر، مراجيح، طاولات وكراسي خشب، مزرعة، حيوانات، قعدة بالغابة، مشروب وعصير، ورود وأكل كتير طيب.

كل شي بيعملوا صحي وعلى الإيد، الأكل بيجي من المزرعة على طاولتكن، في أطيب المأكولات البلدية والطبخات اللبنانية مع شفة قهوة وجلسة من العمر.

بعد ما تعبوا بطنكن فيكن تكتشفوا أراضي وجنينات Biomass وتتعرفوا على الحيوانات المهضومة يلي عايشة هونيك إذا كان حظكن حلو!

الولاد رح يلعبوا ويتسلوا بالمساحة الخضرا، بين الشجر والخضار والألعاب وياكلوا أكل طيب ويرجعوا يناموا على الشراشف والمخدات.

بالنسبة للأسعار فهيي ببتراوح على الشكل التالي: 35$ على الكبار، 18$ على الزغار تحت ال10 سنين.

فسمعوا منا وقضوا نهار بهل محل وعيشوا تجربة ما بتنتسى!

العنوان: جربتا، البترون، شمال لبنان

للحجز والاستفسار اتصلوا على 532 532 03

شوفوا كمان، مين ما بحب الخريف؟ شوفوا هل رحلة من العمر على إهدن هل ويك-أند.