ذا نورث بود: أوتيل من غير عالم بضيعة مزرعة التفاح

بهل طقس الخريفي، كلنا صار عبالنا نقعد قعدة جبلية مكنكنة ودافية. عبالكن شي شوي مختلف؟

بمنطقة مزرعة التفاح الجبلية الخضرا قاعد أوتيل “ذا نورث بود The North Pod” وهوي أكتر محل مناسب إذا حابين تقضوا ليلة بقلب الطبيعة وتناموا وتفيقوا بين الشجر والخضار ونسمة الهوا الحلوة.

بدل الأوض، ذا نورث بود The North Pod بنيمكن بقبة كلا قزاز لتقدروا تشوفوا كل شي حواليكن. تخايلوا حالكن عم تفيقوا الصبح وتشوفوا كل هل الجمال من التخت. من السما للجبال، للطبيعة الجبلية كلو قبالكن.

أكيد في برادي فيكن تسكروهن بس بدكن تفيّوا من الشمس وللخصوصية، بس لما تفتحوهن لح بتشوفوا جمال الكون كلو قبالكن.

كيف ما بتبرموا، بتشوفوا خضار وشجر ومناظر بتاخد العقل.

وكمان القبة فيها جاكوزي خاص وخرج الكنكنة! مرجوحة بنص الطبيعة، ومحل لتعملوا مشاوي وتسهروا تحت ضو القمر.

الأسعار لشخصين هيي على الشكل التالي: 170$ بنص الجمعة و200$ الجمعة، السبت والأحد على الليلة الوحدة.

رح توعوا على صوت العصافير ونسيم الشجر، بتاكلوا ترويقة معرمة وبتستمتعوا بالطبيعة وببرودات الخريف.

مين لح تاخدوا معكن على هيك محل؟

العنوان: مزرعة التفاح، إهدن

للحجز، اتصلوا على 001 506 81

شوفوا كمان، جواهر مخفية لازم تستكشفوها بضيعة حدشيت الساحرة.