مشوا على أطيب ١٧ مطعم بالجنوب مع مناظر بتاخد العقل

قديش حلو لما نجتمع على سفرة بتفتح النفس بشي مطعم طيب وبنفس الوقت تكون الإطلالة مميزة؟ بتصير القعدة على مية مرة أحلى! كرمال هيك، إذا حابين تروحوا تكزدروا و تشموا هوا بالجنوب، لقينالكن أطيب ١٧ مطعم جنوبي مع منظر بياخد العقل. كفوا معنا لتعرفوا اكتر.

١- لوس – جزين

من أجمل المطاعم اللي هتلاقوها بجزين، سفرة ملونة بالنكهات اللبنانية مع منظر بطير العقل للجبال و الوديان، بتحسوا حالكن محضونين بين الشجر والسما.

الرقم: ٧٠٧٨٠٣٣٠

٢- تايروس – الناقورة

اسرحوا بالنظر على شط الناقورة الصخري، منظر بطير العقل والأكل على أفخم!

الرقم: ٧٦١٠١٣٣٦ | ٠٧٧٤١٠٢٧

٣- أوتيل البوتيك – صور

قعدة على سطح الأوتيل والمنظر بياخد القلب شو حلو، الأجواء مميزة وساحرة ما بتنسوها كل العمر!

الرقم: ٧٠٧٤٠٩٦٠

٤- هوا جرجوع – جرجوع

بتلاقوا بهوا جرجوع أكل لبناني بشهي مع إطلالة روعة للجبل، منظر مغمور بالشجر والغيوم على بعد نظركن.

الرقم: ٠٧٥٣٥٤٢٧

٥- المستشار – صيدا

منظر برد الروح لكورنيش صيدا مع ترويقة لبنانية على الصبح! غروب الشمس مع هيك إطلالة للبحر ما بيتفوت.

الرقم: ٠٣٨٥٥٠٠٠

٦- كيف – جزين

أجواء من الخضار المعلق والريف كتير ساحرة، مع قعدة مكنكنة ومنظر كتير حلو لجزين.

الرقم: ٧٠٤٤١٤٤٩

٧- رستيكا – صور

مطعم ساحر بصور بقدم مختلف المأكولات و الأطباق المعمولة على الأصول. إطلالتو لكورنيش البحر ولقمتو الطيبة بتخليكن تنغرموا بالمحل!

الرقم: ٠٧٣٤٧٣٥٠ | ٠٣٨٢٧١٨٣

٨- Les Caves Roum – جزين

اجتمعوا على الأجواء التراثية و اللقمة اللبنانية مع إطلالة ساحرة للطبيعة بتسرحوا فيها لساعات.

الرقم: ٠٧٨١٠٢٩٢ | ٧٦٠٠٠١٢٦

٩- Elysium – النبطية

عندن منظر للطبيعة بيخطف القلب و قعدة كلاسيكية مخباية تحت شجر الزيتون، هيدا المطعم الإيطالي شي من الخيال!

الرقم: ٧٠٩٠٩٩٤٠

١٠- مطعم الفنار – صور

من أروع المطاعم بصور لتاكلوا لقمة شهية مع قعدة رومانسية، وتشاهدوا منها غروب الشمس.

الرقم: ٠٣٦٦٥٠١٦ | ٧٦١٣٨٨٣٨

١١- قهوة ٦٠ – صيدا

بتعيشوا أجواء الستينات من أول وجديد مع لقمة لبنانية بتشهي ومختلفة عن غيرها. كل هيدا و البحر مادد حالو قدامكن.

الرقم: ٧٩١٩٦٠٠٠ | ٧٩١٩٦٠٠١

١٢- مطعم كتف الوادي – جرجوع

قعدة رائعة بين الهوا و حدكن الوادي و الخضار! شي برد الروح.

الرقم: ٠٣٠٧٥٦٢٩ | ٠٣٥٤٠٨٨٢

١٣- دار ألما – صور

مطعم و أوتيل دار ألما مكان مميز لتسرحوا بالبحر بصور مع لقمة طيبة تنسيكن تعب الشغل!

الرقم: ٧٠٧٤٠٠٨٢

١٤- الشالوف – جزين

مطعم معلق بالسما، عندو لقطات رائعة للطبيعة الغنية بجزين والوديان.

الرقم: ٧٠٧٨١٧٧٤

١٥- مرجوحة – صور

بتلاقوا عند مرجوحة منظر رايق ومميز للبحر وموجاتو، وبتذوقوا أطيب لقمة مع أروق راس!

الرقم: ٧٦٧٩٧٢٠٨

١٦- لو فينيسيان – صور

مطعم للمأكولات البحرية كتير معروف بطعمه الطيب، والأجمل من هيك عندو إطلالة كتير مهضومة لمينا صور!

الرقم: ٠٧٧٤٠٥٦٤

١٧- جبل العز – الناقورة

قعدة بالهوا بتحسوا حالكن معلقين فيها بين البحر والجبل! بتشوفوا منها شط الناقورة يلي بياخد العقل.

الرقم: ٠٧٣٢٠٣٣٩ | ٧٦٦٤٦٤٨٣