تعرفوا معنا على قصة أزغر ملكة جمال لبنان (كان عمرها بس ١٥ سنة)

عام 1968 توجت بنت طرابلس لي كتار ما بيعرفوا عنها شي ملكة جمال لبنان. كانت وبعدها تعتبر أزغر ملكة جمال بتاريخ لبنان!

كان عمرها بس ١٥ سنة نهار يلي توجت ، وهيدا شي كتير غريب بالنسبة لعالمنا اليوم. مين هيي؟ الست ليلى البيسار توجت على عرش الجمال اللبناني من بعد ما ربحت لقب ملكة جمال طرابلس، يلي كان يقام بفترة الزمن الجميل.

بخبروا إنو “إم ليلى” بتحمل الجمال نفسو وكان عندها قصة حلوة كتير بتتناقل من جيل لجيل. كانت “إم ليلى” من الجميلات يلي لفتت نظر كتار ومن الخبريات لي بتنحكى إنو إجا بالزمانات ملك عربي كبير وكتير مهم عندو جاه ومال على لبنان ليطلب إيد “إم ليلى”، بس رفضت وتجوزت الدكتور عبدالله البيسار إبن مدينة طرابلس وإبن بلدها لي عشقتو للموت وحتى آخر نهار بحياتها وجابت منو عبد الله وليلى لي توجت ملكة جمال لبنان وطرابلس.

بقولوا إنو ليلى وإمها كانوا أجمل بنات لبنان وطرابلس وكان الكل يقدر أخلاقهم ووفائهم لطرابلس وللبنان.

توفت الست ليلى المقدم البيسار والدة ليلى ملكة الجمال مش من زمان بعام 2016 وتركت بذاكرة اللبنانيي لي بيعرفوها وأهالي طرابلس خاصةً صورة حلوة كتير مليانة جمال وأناقة واحترام ووفا وذاكرتها عايشة لليوم بصورة بنتها ملكة جمال لبنان المتميزة.

تعوا نتذكر كمان، أبرز شخصيات الزمن الجميل بلبنان.