دليلكن لأطيب بيتزا بالضيعة: ٦ مطاعم لازم تجربوها

ما في أطيب من البيتزا بهيك طقس وخاصةً إذا كانت معمولة على الحطب بكوخ خشب بالضيعة، لهيك رح نخبركن عن مجموعة محلات بيعملوا أطيب بيتزا على الأصول بضيع لبنان نحنا وعم نعرفكن عن مميزات كل محل.

١. بياتزا Piazza1140، حمانا

مشوارنا مبلش بضيعة حبيبة على قلب كل لي بزورها لي هيي حمانا. بتوصلوا على ساحة الميدان بتلاقوا هل محل المهضوم عندو أكل إيطالي وقعدة كتير مهضومة. كل شي طيب عندن خاصةً البيتزا والباستا كمان.

الرقم: 178 138 79

٢. شي جيو جيو، زحلة

صراحة ما توقعنا نلاقي محل بيعمل البيتزا الإيطالية على الأصول بزحلة بس هل محل طلع على قد توقعاتنا وأكتر. هالجوهرة المخفية بتقدم بيتزا طازة ملياني وطيبة، مع طبقة صوص البندورة وفوقها أكتر من جبنة. ما رح تفهموا غير لدوقوا.

الرقم: 884 822 08

٣. بياتزا بيتزا، قرنايل

هلق منكفي على ضيعة قرنايل المعروفة بجمال طبيعتها والبحيرات من كل الميلات. هل محل بيعمل أطيب أنواع البيتزا المحضرة على الحطب. مننصحكن تدوقوا أطيب بيتزا إيطالية مصنوعة من أجود المكونات.

الرقم: 563 273 81

٤. زهرتوني، القبيات

طوني زهر إنسان بيعشق الحياة والبيتزا والباستا وضيعتو القبيات، كرمال هيك قرر يجيب طعمات إيطاليا على قلب الضيعة. القعدة بهل محل بترد الروح وصدقوا هل ضيعة من أجمل ضيع لبنان بطبيعتها الإستثنائية وأكلها الطيب.

الرقم: 844 469 81

٥. ذا وود فاكتوري The Wood Factory Pizzeria، بعبدات

هيدا الكوخ البيتزا المكنكن موجود بمطرح مخبى بواحد من شوارع بعبدات الرايقة. المينو كتير بسيط، المحل بس بقدم السلطات والبيتزا بس بيتزا على الأصول، مخبوزة على فرن الحطب – الطعمة رح تاخدلكن عقلكن.

الرقم: 628 196 71

٦. بيتزا كريستي، برمانا

المحل المعروف بالبيتزا العملاقة يلي بيعملها! العجينة كتير طيبة وكل المكونات طازة – مكونات شهية وعجينة ولا أطيب.

الرقم: 158 084 71

شوفوا كمان، مطعم فلوكة غسان: أطيب كدشة أكل بحري بتلاقوها بصيدا.