انتو والبحر جيران: واحة وراحة بمنتزه كارافان بالجنوب

بس لو بتشوفوا منتزه وأوتيل كارافان شو مخبيلكن! منتزه ومطعم وأحلى قعده على البحر ونشاطات متنوعة لكافة الأعمار. كفوا معنا المشوار لتعرفوا اكتر.

بتلاقو منتره كارافان على طريق عام صيدا – صور بأبو أسود. خدماتو كتير وبتتضمن جلسات رايقة بالبستان بين الشجر، ولقمة طيبة من المطعم، وسهر ومنامة بالكارافان، وأحلى قعدات على أحلى شط.

المطعم محاوط بالبساتين والشجر من كل الميلات، مفتوح على الشط وبعيد عن العالم، فيكن تذوقوا عندو أكل طيب وطازة معمول على الأصول، من المأكولات البحرية والسناك والمشاوي للمطبخ الشرقي.

بحال حبيتوا تضلوا لطلوع الضو، بتلاقوا عندن بالبانغالو جلسة ملونة ومهضومة، أوض زغيرة مع تختين و مطبخ وحمام. الجو رايق والقعدة حلوة بين الخشب والقش. عندو كمان باحة خاصة مع مسبح صغير لتكمل معكن على الآخر.

بالليل الأجواء ساحرة مع نسمات الهوا من البحر، مطرح رومنسي ورايق ومهضوم لتنسوا حالكن في.

إذا عجبكن الجو و حابين تعرفوا اكتر اتصلوا على ٧٨٩٩٨٤٢٩

شوفوا كمان، بحاجة لعطلة؟ شوفوا هل بيت المكنكن بالبترون.