سهرة نار وسينما وجاكوزي بين الشجر والتلج : شوفوا بيوت القبة بكفردبيان

بلش يبرد الطقس و أكيد عم تفتشوا على قعدة دافية ورايقة مخباية عن العالم. “ذا دوم” The Dome مكان سحري مخبى بكفردبيان وبقدملكن بيوت قبب لتستأنسوا على الآخر وتفرحوا قلبكن. شوفوا معنا شو ناطركن بهل المحل.

المكان بقدم خدمات حسب القبة يلي بتختاروها وكل خدمة أحلى من التانية. القبة العادية عندها مطرح لسهرة نار ومسبح وقعدة خارجية متل السينما بالهوا لتحضروا أفلام لطلوع الضو.

أما القبة الLuxury معزولة بالخشب من الداخل و فيها جاكوزي خارجي و مطرح لسهرة نار وقعدات مريحة بتطير العقل، بكل زاوية مخبالكن شي. كمان بيطلعلكن فطور لبناني طيب لتنبسطوا بالقعدة أكتر و أكتر.

الديكور الداخلي مودرن ومرتب مع تفاصيل من خشب. الألوان رايقة و دافية والصوفا والتخت مكنكنين ومريحين. القبة بتطل ع منظر برد الروح من الشجر وبكون بعد على أحلى بالشتويات وقت التلج. وقت رائع بتقضوا مع الأصحاب والعيلة. شو بعد ناطرين؟

التلفون: 70331330

شوفوا كمان: مشوار على ضيعة تنورين: ١٨ شغلة تعملوها بهالمنطقة.