تعرفوا على جلسة القناطر: من أجمل المطاعم الجبلية بلبنان

كفردبيان من أجمل المناطق اللبنانية وكتير ضروري كل لبناني يزورها ويشوف جمالها بعيونو، فخلينا ناخدكن اليوم على جلسة مميزة على طريق فقرا وكفردبيان، بتطل على أجمل المناظر الطبيعية الخلابة بالمنطقة.

تعرفوا معنا على مطعم القناطر، محل كتير بيشبه الجنة على الأرض. تخايلوا حالكن قاعدين تحت الغيوم على صوت المي، بجنينة مرتبة تحت القناطر، جلسة خشب تقليدية بفيّات الشجر، وعم تتفرجوا على أرواع مناظر الطبيعة دغري حدكن.

هيدا الخيال هو حقيقة عند مطعم القناطر، فمننصحكن تجربوا بأسرع وقت!

مطعم القناطر صرلو من إيام الزمن الجميل فاتح بوابو، من سنة 1945 وبيتميز بقعدة بتاخد العقل وأكل ولا أطيب.

مافي أطيب من المازة اللبنانية، بس عم تتخايلو حالكن عم تاكلو أكل لبناني مع برودات كفردبيان الحلوين؟

بالنسبة للأسعار، فإذا حابين تاخدوا formule، بتبلش الأسعار ب33$ على الشخص حسب طلبكن.

جمعوا أهلكن وأصحابكن واطلعوا لهونيك، أبداً ما رح تندموا. برموا على أطباق الأكل يلي قدامكن ودوقوا شوي من كل شي. لأنو القعدة الحلوة ما بتكمل بلا أكل طيب!

هيدا المحل معروف كتير بسبب الجلسة الحلوة تحت القناطر والأكل الطيب. ما تروحوا على حالكن هيك تجربة.

للحجز اتصلوا على: 818 300 09

شوفوا كمان: كوخ الصنوبر: كوخ خشبي ومسبح وقعدة على صوت الشلال.