مشوار على ضيعة دير القمر: ١٨ شغلة تعملوها بهالمنطقة

دير القمر عاصمة لبنان القديم ومتحف تاريخي وتراثي معمرة على وقع نغمة موسيقية فولكلورية، حاملة بطياتها خوابي التاريخ اللبناني وغنية بالآثارات المعمارية والثقافية، بتزينها أحراج الصنوبر داير من دار والأثار النموذجية والقصور الساحرة. بيختلف المؤرخين حول تسيمتها، البعض بقول اسمها بعود لصورة قمر كانت منقوشة على أحد جدران كنيسة سيدة التلة، البعض الآخر بيعتقد إنها تسمت على إسم دير انبنى على ضو القمر. بالحالتين، دير القمر “جارة القمر و جارة السما” متوجة على عرش الجمال اللبناني التقليدي. ومن بعد ما عملنا مشوار على ضيعة القبيات، مشوارنا اليوم على “درّة الجبل اللبناني” دير القمر لنتعرف على هل ضيعة المميزة.

١. بلشوا نهاركن بترويقة صحية عند الكوارة

الرقم: 290 424 03

٢. أو كلوا أطيب ترويقة بلدية بجو تراثي عريق ب دير الأمرا

الرقم: 935 119 71

٣. زوروا متحف ماري باز للشمع لي بيحتوي على تماثيل 80 شخصية سياسية وتاريخية وأدبية وفنية أثرت بتاريخ لبنان من العام 1512 حتى اليوم

الرقم: 666 511 05

٤. زوروا ساحة الميدان مطرح ما رح تلاقوا نافورة المي النموذجية وتمثال كميل شمعون، الرئيس التاني للجمهورية اللبنانية من 1952 لل1958

٥. زوروا قصر فخر الدين التاني الأثري لي انبنى على إيد الأمير عام 1618

٦. تمشوا بشوارع دير القمر وتفرجوا على البيوت القرميد العتيقة

٧. زوروا قصر موسى المميز لي بيشبه قصر الأحلام

٨. زوروا سراي أحمد شهاب لي انبنى بالقرن التامن عشر

٩. اكتشفوا جامع فخر الدين ومئذنته الثمينة لي يعتبر أقدم مسجد بجبل لبنان، انبنى عام 1493

١٠. شوفوا أقدم كنيست يهودي بجبل لبنان، ابنى على إيد الأمير فخر الدين التاني بالقرن السابع عشر

١٢. كلوا أطيب لقمة على الغدا ببيت الجبل مع منظر بطير العقل

الرقم: 767 160 71

١٣. زوروا دير سيدة التلة الكاشف على أجمل مناظر طبيعية

١٤. قضوا نهار على البيسين بقصر المير أمين الأثري واسبحوا بين القناطر

الرقم: 315 501 25

١٥. اتمشوا بالشوارع الضيقة بالضيعة وتأملوا الهندسة التراثية

١٦. دوقوا طبخات دير القمر المحلية: لبنة المعزي “قمبريس”؛ التبولة بالدهن (تبولة متبلة بالدهن)؛ والمخلوطة بالكشك (شوربة عدس، فاصوليا، أرز وكشك – قمح ولبن معزي)

١٧. قضوا ليلة بأحضان هل ضيعة الحلوة عند L’auberge Des Emirs

الرقم: 507 656 71

١٨. أو قضوا مميزة بعيدة عن العجقة والضجة برواق Village

الرقم: 177 512 03

لتعرفوا أكتر عن الشوف، شوفوا معنى أهم الضيع بالشوف. أما إذا عبالكن تقضوا بL’auberge Des Emirs، تعرفوا على هيدا المشروع المميز بدير القمر: بيسين، مطعم وأوتيل على الطراز الملكي.