تعرفوا على هيدا المشروع المميز بدير القمر: بيسين، مطعم وأوتيل على الطراز الملكي

لما منفكر إنو بدنا ناخد عطلة لنرتاح من هموم الحياة وضغط الشغل منفكر بسفرة برا لبنان، بس دايماً مننسى إنو عنا بلبنان في كتير محلات حلوة فينا نروح عليها من طبيعة لمواقع أثرية وجبال وفنادق ومسابح.

اليوم رح نعرفكن على واحد من هل محلات بيجمع كل هل صفات بمحل واحد: لوبيرج دي إيمير L’auberge des Émirs بدير القمر.

أول ما تلاقوا قناطر وشجر منظر بطير العقل، بتكونوا وصلتوا. على التراس حلو فنجان القهوة بين القناطر والشجر وقدام المناظر الطبيعية الخلابة.

بيتمتع فندق L’Auberge des Emirs بمساحة للاسترخاء الشخصي وللترفيه العائلي.

موقع لوبيرج دي إيمير مميز كتير، بطل على جبل الشوف الساحر وقصر بيت الدين العريق.

هل محل بيتألف من مطعم وبيسين خاص وفندق على الطراز الملكي.

رح نخبركن عن المطعم، بقدم ترويقة بلدية غير شكل مع منطر بياخد العقل ومجموعة متنوعة من المأكولات الشهية. في كمان بيسين بطل على الطبيعة الخضرا مع منظر بانورامي بياخد العقل وبار ومقاعد بنص المي.

بس تفوتوا على الأوتيل، رح تنسحروا من الديكور والألوان والتصميم المميز الملوكي.

رح تلاقوا 27 غرفة عصرية مريحة. بس تنزلوا بالأوتيل بتبلشوا نهاركن بترويقة غير شكل وبتستمتعوا بالطبيعة وقعدة البيسين الحلوة.

الغرف شرحة ومرتبة وبتطل على أجمل المناظر. وكمان في مسبح وقعدة كتير مهضومين ومناسبين للعيل والولاد.

بالنسبة للأسعار، رح نخبركن عن أسعار أشهر الأوض بالأوتيل:

– بريميوم روم Premium Room: بتبلش الأسعار من 000 150$ وبتساع شخصين وولد

– سويت روم Suite Room: بتبلش الأسعار من 000 275$ وبتساع 4 أشخاص وولدين

– جونيور روم Junior Room: بتبلش الأسعار من 000 200$ وبتساع شخصين وولدين

– ستاندرز روم Standard Room: بتبلش الأسعار من 000 135$ وبتساع شخصين

ليلة وحدة بي لوبيرج دي إيمير بتحسوا حالكن سافرتوا على غير بلد!

للحجز اتصلوا على: 507 656 71

ما زالنا بالشوف، شوفوا معنا هل بيت لي رح يسحركن بالشوف.