قضوا ليلة من العمر بهيدا البيت الساحر بجزين

اليوم رح نروح مشوار على ضيعة جزين لنعيش يومين حلوين بأحضان الطبيعة ونشم هوا نضيف، ضبوا الشنطة ومشوا معنا.

بيت كروم الأرز عبارة عن بيت ضيافة موجود بمنطقة جزين، محاط بالشجر والجبال والوديان وبيكشف على أجمل المناظر الطبيعية.

جاهز يستقبلكن على مدار السنة وبيتألف من غرفتين نوم كبار، كل أوضة فيها تختين وأكيد فيكن تزيدوا تخت، مطبخ مجهز، حمام، تراس مهضوم وتراس بطل على المناظر الطبيعية بجزين وبيسين خاص.

بيبعد هل بيت 5 دقايق عن ساحة جزين والمطاعم والمحلات بس الجو كتير رايق ومريح بأحضان الطبيعة.

هلق صار وقت نخبركن عن الأسعار لتاخدوا فكرة:

هل بيت بكلف آجارو بنص الجمعة: 150$ وبالويك-أند 175$، أما إذا حبيتوا تزيدوا تخت فرح يكلفكن 10$.

يلي بعد مش رايح على جزين وما بيعرف جمال المنطقة، صار لازم يعمل مشوار ويشوف غابة الصنوبر ببكاسين ويتعرف على شلالات جزين وياكل عند الشالوف ويقضي ليلة من العمر.

للحجز والاستفسار اتصلوا على: 587 947 76