لقينا ١٠ من أجمل الفنادق الموجودة بإهدن

اليوم رح نروح كزدورة على ضيعة إهدن بالشمال لنكتشف جمال هل منطقة الساحرة ببلدنا ونتعرف على أبرز فنادقها ومرافقها السياحية. إهدن نايمة على كتف الوادي وبتضم مجموعة كبيرة من المعالم السياحية والطبيعية الرائعة، وتعتبر مقصد للسواح والوافدين من كافة المناطق اللبنانية، مليانة بالفنادق الفخمة والراقية، يلي بتتمتع بأفضل الخدمات أو بإطلالة ساحرة بترضي جميع الأذواق. لهيك رح نتعرف اليوم على أجمل أوتيلات إهدن يلي بتستاهل زيارتكن.

١. أوتيل ميست Mist Hotel & Spa

يعتبر هل الفندق محل مثالي لقضاء أحلى الأوقات بأجواء الراحة والاسترخاء. رح يخليكن تكتشفوا جمال ضيعة إهدن الساحر لأن محاط بالطبيعة. بهل محل فيكن تعيشوا تجربة الفخامة بنص إهدن وتسبحوا بالبيسين الراقي لي بيكشف على أجمل المناظر الطبيعية بالمنطقة.

الرقم: 222 100 71

٢. أوتيل تونز Twins Hotel & Spa

بقدم أوتيل تونز الفاخر تجربة رائعة لزوارو بديكورو الفخم وأجنحتو الراقية وخدمتو الممتازة، وهوي بيجمع الحضارة والأصالة بمحل واحد مع لمسة عصرية راقية. هل أوتيل رح يخليكن تعيشوا تجربة استثنائية ولحظات رومانسية بسبب التصميم الرائع للغرف والمنظر الخيالي من البالكون.

الرقم: 000 173 76

٣. أوتيل إهدن

بيتمتع فندق إهدن بالفخامة، وبديكورو المميز والمرافق الرائعة، بيتميز ب36 جناح خاص، ورح يعيشوا الزوار بربوعو تجربة ما بتنتسى. لي بيوصل على هل أوتيل رح يحس حالو ببيتو التاني بسبب الخدمة الممتازة والراحة والرفاهية الموجودين، والبيسين المميز الجاهز ليستقبلكن.

الرقم: 100 560 06

٤. أوتيل لو تورنان Le Tournant

يعتبر واحد من أفخم الفنادق بإهدن، بيتميز بالقعدة الراقية المطلة على وادي قنوبين والمناظر الحلوة. للحظة رح تحسوا هل أوتيل معلق بالسما من ورا المنظر الساحر، بيتميز ببيسين كبيرة بتلاقوا حواليها تخت لتتشمسوا مع برادي وقعدة فخمة.

الرقم: 059 059 81

٥. كروم إهدن

إهدن ضيعة ما بينشبع منها، الدليل إنو كل محل رح تزوروا بيحكي قصة حلوة كتير وبياخدنا على عالم الخيال، هل أوتيل عبارة عن جنة زغيرة موجودة بأحضان إهدن، بيتمتع بتصميم خيالي، كمان موجود في مسبح كبير فيكن تقضوا في وقت حلو وتنسوا هموم الدني.

الرقم: 560 561 06

٦. أوتيل بلمون

يعتبر هل أوتيل من أجمل الأوتيلات الموجودة بإهدن، بتتميز غرفو بالتصميم العصري والديكور الدافي لي رح يشعركن بالراحة النفسية. المنظر كتير حلو، بيكشف على جمال منطقة إهدن لي ما بخيب. الأوض مميزة، بتنقوا التصميم والمواصفات لي بناسبوكن لتعيشوا تجربة استثنائية.

الرقم: 102 560 06

٧. ماسترز أوتيل Master’s Hotel

ماسترز أوتيل بيتمتع بإطلالة بانورامية بتاخد العقل على جبال إهدن وبيتميز بالديكور العصري مع اللمسة اللبنانية الجبلية. هل محل بأمن منامة رائعة بأحضان إهدن مطرح ما فيكن تعيشوا تجربة الفخامة على أصولها إنتو وعم تسترخوا وتتمشوا بالجنينة وتسبحوا بالبيسين.

الرقم: 052 561 06

٨. أوتيل سراي

يعتبر من أفضل فنادق إهدن المميزة، بيتمتع بالديكور العصري وبيتميز بالبلكونات مع إطلالة بانورامية، كل الغرف مزودة بكل وسايل الراحة.

الرقم: 999 560 76

٩. أوتيل بروفانسال

عبارة عن بيت حجر بيتألف من عدة غرف دافية ومكنكنة. بيتمتع أوتيل بروفانسال بديكور بسيط بس قريب للقلب، كل الغرف مجهزة بكافة وسايل الراحة.

الرقم: 040 561 06

١٠. لايزي فاونتن أوتيل Lazy Fountain Hotel

هل أوتيل رح يشعركن إنكن بشي ضيعة بعيدة كتير ما حدا بيعرف فيها، عم تحققوا أحلامكن وتستمتعوا بالحياة. هل فندق هوي الخيار الأمثل لعيش تجربة الفخامة على الطراز العصري مع لمسة جبلية سحرية.

الرقم: 435 545 76

يلا على اهدن!