شوفوا كيف فيكن تقضوا نهار كامل بأنفه

من بعد ما خبرناكن كيف فيكن تقضوا نهار بعمشيت، اليوم رح نروح جولة على منطقة أنفه النايمة على البحر لنتعرف على هل المدينة الساحرة الجمال ونشم هوا نضيف ونتمتع بالبحر.

١. تحت الريح

قضوا نهار مثالي على هل البحر لي رح ياخدكن على جزر اليونان من خلال الديكور الأبيض والأزرق والمي الزرقا النقية. فيكن تسبحوا وتقضوا نهار كامل هون!

الرقم: 117 788 70

٢. دير سيدة الناطور على البحر

زوروا دير سيدة ناطور الأثري يلي يعتبر تاريخو غامض. هل محل أثري مليان أيقونات بتدل على عظمة الحضارات يلي مرقوا وهوي قريب كمان على ملاحات أنفه. ما تنسوا تجيبوا معكن كياس ملح من أنفه لأن معروف قدي طيب وorganic.

٣. مطعم أو شالي

زوروا هل مطعم الموجود على البحر وتلذذوا بثمار البحر وألذ أكلة سمك على الغدا والبحر تحتكن، بس تخلصوا فيكن تغطسوا إجريكن بالمي أو تعملوا سبحة زغيرة.

الرقم: 055 982 78

٤. جولة بالبحر

ركبوا الشخطورة وعملوا جولة بالبحر واتأملوا جمال أنفه.

للمزيد من المعلومات اتصلوا بvisit anfeh على: 117 788 70

٥. التجديف

مارسوا رياضة التجديف بنص البحر وعيشوا هل مغامرة الحلوة بظل هل الطقس الحلو.

للمزيد من المعلومات اتصلوا بvisit anfeh على: 117 788 70

٥. الجيت سكي

فيكن تستفيدوا من الرياضات البحرية المتنوعة بأنفه، من ضمنها الجيت سكي لمحبي المغامرات وأصحاب القلب القوي.

للمزيد من المعلومات اتصلوا بvisit anfeh على: 117 788 70

٦. الغوص

فيكن كمان تمارسوا رياضة الغوص بعمق البحر وتكتشفوا شو في تحت المي وتعيشوا هل تجربة لأول مرة بحياتكن.

للمزيد من المعلومات اتصلوا بvisit anfeh على: 117 788 70

٧. صيد سمك

ما فيكن تروحوا على أنفه من دون ما تعيشوا اختبار صيد السمك، فيكن تطلعوا بالشخطورة أو توقفوا على الصخرة وتتصيدوا. نصيحة، عيشوا هل اختبار وقت غياب الشمس.

٨. سوق أنفه العتيق

تمشوا بسوق أنفه العتيق واكتشفوا خبايا التاريخ.

٩. وسيم على البحر

زوروا هل مطعم الموجود على البحر المرتب كتير واشربوا أطيب كوكتيل فواكي إنتو وعم تتأملوا البحر.

الرقم: 124 180 70

١٠. قلعة أنفه الفينيقية

زوروا هل قلعة الأثرية لي بتحمل تاريخنا الفينيقي، هيي متل جسر بقلب البحر بتشوفوا منا شكا وأجمل المناظر.

١١. مطعم سمكة جرجي الضيعة

اختموا نهاركن بأطيب أكلة سمك عند مطعم سمكة جرجي الضيعة لي بقدم سمك وFruits de mer طازة.

الرقم: 693 127 03

١٢. ناموا بأنفه

قضوا ليلتكن الساحرة ببيت مرسه الأثري لي بيتميز بالتصميم اليوناني والحس الفينيقي. مرسة عبارة عن بيت حجر، بواب وشبابيك ملونين مراجيح وفخار وقعدة بتاخد العقل.

الرقم: 839 832 03