بتحبوا الشوكولا كتير؟ زوروا متحف الشوكولا هل ويك-أند ببشامون

بتحبوا الشوكولا كتير؟ حبوبين الشوكولا، هالسبت رح يكون في جولة على متحف الشوكولا ب بشامون بياخد العقل وبعبي البطن.

إذا بتعرفوا حدا كتير بحب الشوكولا، ضروري يعرف بالخبرية! رح تروحوا بالباص النقال الأحمر لي عندو طابقين المعروف بإسم “سيتي سايت سيينغ” لتشوفوا الشوكولا! في أحلى من هيك مشوار؟

وهيك بتتفرجوا على أحلى مناظر بيروت على سطح الباص وبتعيشوا تجربة استثنائية مع موسيقى وجو حلو.

أول ما توصلوا، رح تشموا ريحة الشوكولا الحلوة وبس تفوتوا لجوا رح تعملوا جولة لتتعلموا كيف بينعمل الشوكولا، وبس تخلصوا، فيكن تشوفوا كل أنواع الشوكولا الموجودة بالمصنع وتاخذوا هدايا مليانين شوكولا عذوقكن!

الإنطلاقة: ساحة الشهدا، بيروت من الساعة 11 الصبح للساعة 2 الضهر.

تكلفة الرحلة: 15$

للمزيد من المعلومات اتصلوا على: 165 910 76 أو زوروا هل صفحة على فايسبوك لتعرفوا تفاصيل أكتر.