لقينا ١٣ مطعم بيعمل أطيب صحن باستا بلبنان

اليوم رح نعمل جولة على أطيب المطاعم لي بتعمل باستا إيطالية مطبوخة على الأصول مع صلصات ونكهات شهية بلبنان لتلاقوا مطعمكن المفضل وتجربوا هل صيفية.

١. ماريولينو، البترون

محل ساحر موجود بشوارع البترون العتيقة، هوي جوهرة مخفية بين الشجر والحجر وريحة الأكلات الطيبة والبرودات. القعدة برا تحت الهوايات الحلوين والأضوية الرومانسية بترد الروح مع أطيب أطباق الباستا.

الرقم: 555 766 76

٣. تشيري لاين، حمانا

هل محل موجود على الشير حد قصر لا مرتين الأثري، بتقعدوا برا بتسمعوا صوت المي وبتاكلوا أطيب صحن باستا. القعدة بهل محل ساحرة فيكن تاكلوا كتير من أطباق الباستا الشهية إنتو وعم تسمعوا موسيقى إيطالية وفرنساوية رومانسية. بلشوا وجبتكن بالمقبلات متل الباستا المطبوخة بصلصة البيستو المقدمة مع التوم والنعنع. لوجبتكن الرئيسية ما فيكن ما تدوقوا أشهى معكرونة! إذا عبالكن كاربونارا كلاسيكية أو باستا مع أربع أنواع جبنة، أو شي جريء متل الباستا مع السالمون بالصلصة البيضا مع اعشاب، أكيد رح تستمتعوا بالباستا.

الرقم: 588 335 71

٣. فيوري، الحمرا

فيوري بقدم باستا مطبوخة بتاخد العقل، موجود بشارع فود ديستريكت بالحمرا. هل مطعم الرائع هو حلم إيطالي، فيكن تستمتعوا في بالأجواء الدافية مع الباستا الشهية وتقعدوا قعدة إيطالية مية بالمية.

الرقم: 915 819 81

٤. بافاغلينو، الأشرفية

على درج مار نقولا قاعد مطعم إيطالي رومانسي، مزين بالورود والمصابيح والشرشف الأبيض والأحمر، بيعمل أطيب صحون باستا مع نكهات وخلطات أعشاب بتشهي.

الرقم: 080 091 81

٥. باستا وحبق، الحي الأبيض-بيروت

من أشهى أطباق الباستا لي فيكن تجربوها هوي طبق الباستا فور تشيز بالدجاج المحشي خضرا ومغطس بأربع أنواع جبنة بيمغطو من عند هل محل. هل محل بيعمل كل أنواع الباستا بشغف وحب وفن والريحة بتشق القلب وعندو قعدة مهضومة كمان.

الرقم: 180 544 01

٦. سود، ضبيه

إذا بتحبوا الباستا والبيتزا، هل محل عندو لقمة طيبة كتير متل الكانيليوني، معكرونة كاربونارا، البيتزا، الريزوتو، الباستا ترافل، الريسوتو، و كتير غيرهن! رح ياخدكن هل محل على عالم تاني، على بلد تاني، مليان أكل طيب والقعدة عندو جوا وبرا وفي كمان تراس بياخد العقل والقلب.

الرقم: 481 666 81

٧َ. سابوري إي فيني، جبيل

مين مولع بالأكل الإيطالي؟ سابوري إي فيني مطعم متخصص بالمطبخ الإيطالي وعندو قعدة حلوة كتير والباستا عندو معمولة على الأصول. هل مطعم كمان مناسب لقعدة رومانسية، قعدة الجنينة برا المليانة ألوان وزهور وحب.

الرقم: 333 734 81

٨. بوتشا

هل محل رح جبلكن الأطباق الإيطالية على بيروت، القعدة عندو رومانسية وصدقوا معمولة على الإيد وفريق العمل حبوب كتير. بقدم بوتشا أصناف باستا إيطالية مطبوخة على الأصول وصلصات فريش بأجواء مميزة، ضروري تجربوا فيتوتشيني البيستو اللذيذة.

الفرع الأول: صيدا

الرقم: 444 273 81

الفرع التانى: الأشرفية

الرقم: 518 684 76

٩. ماريو إي ماريو، الأشرفية

مين مولع بالمطبخ الإيطالي التقليدي؟ هل محل جنة إيطالية بتلاقوا عندو أطيب أنواع المعكرونة الإيطالية المعمولة بحب وغرام مع خلطة سرية. بتجوا، بتلاقوا قعدة برا وجوا بتاخد العقل وبتاكلوا أطيب أكلة باستا وبتعملوا ذكريات ما بتنتسى.

الرقم: 036 888 76

١٠. بار ايطاليا، جبيل

جبيل ما بينشبع منا، كل زاوية فيها جوهرة. بار ايطاليا من الكلاسيكيات الإيطالية الموجودة بجبيل، بيعمل أطيب صحون باستا إيطالية على الطريقة التقليدية. المكونات عطول طازة، القعدة ولا أجمل، الأكل كتير طيب، رح تحسوا حالكن كأنكن بمطعم بنص إيطاليا. بيسلقوا الباستا بالجرن مع شوية نار لتستوي منيح مع جبنة شهية وأعشاب طازا، كل طعمات الباستا الإيطالية الشهية والساحرة موجودة بهل محل.

الرقم: 505 943 09

١١. موراي

موراي مطعم شرقي أكلو كتير طيب ومرتب، هل محل عندو أطباق إيطالية كتيرة كمان و لي بيعرف طمة تمو بيعرف هل مطعم بيستاهل الزيارة. فيكن تقعدوا على البحر بهل محل وتجربوا أصناف الباستا لي بيعملها وتنتعشوا وتسرحوا بأفكاركن.

الفرع الأول: أنطلياس

الرقم: 213 444 04

الفرع التانى: كاسليك

الرقم: 570 009 81

١٢. أبيتيتو

عند أبيتيتو، رح تلاقوا أشهى صحون الباستا الإيطالية التقليدية يلي بتتقدم بجو دافي ومريح وقعدة بتخلي قلبكن يدق. بحضر هل محل تشكيلة واسعة من الباستا المعمولة بصوصات مختلفة رح تاخدكن على رحلة ممتعة على إيطاليا متل السباغيتي بولونياز، الروكوتا بالسبانغ والمعكرونة مع صلصلة البيستو الشهية.

أبيتيتو عندو أكتر من فرع: الجميزة، الحازمية، الحمرا، برمانا، البترون.

الرقم: 249 299 03

١٣. زهرتوني، القبيات

طوني زهر إنسان بيعشق الحياة والباستا وضيعتو القبيات، كرمال هيك قرر يجيب طعمات إيطاليا على قلب الضيعة. القعدة بهل محل بترد الروح وصدقوا هل ضيعة من أجمل ضيع لبنان بطبيعتها الإستثنائية وأكلها الطيب. بتجوا بتقعدوا بهل محل الموجود بغابات حلسبان، بين الشجر والوديان، مطرح ما رح تحسوا حالكن بحلم. عند زهرتوني رح تاكلوا باستا شهية معمولة على الإيد، بشغف وحب وفن مع خلطات سرية وطعمات متنوعة وشهية.

الرقم: 844 469 81