عيشوا بالطبيعة واشربوا قهوتكن بين الشجر بهالبيت الخشب

اليوم منخبركن عن قرية كحلون بالنمورا بأعالي كسروان، بهل محل رح تلاقوا بيوت خشب ومطعم لبناني، جنينة، ورود، بركة مي ومنظر بطير العقل.

إذا عبالكن قعدة بالطبيعة بعيدة عن الضجة والعجقة والهموم، روحوا على كحلون وعيشوا بالطبيعة.

رح تلاقوا بيت خشب معلق على الشجرة بنص الغابة وقعدة من العمر، بتفوتوا على البيت بتلاقوا تخت قش. بتطلعوا على البلكون الخشب بتشوفوا الغابة ومنظر البحر من بعيد، مغيب الشمس والأضوية الخافتة بالليل.

في كمان بيسين على شكل غيتار بياخد العقل.

بتفيقوا الصبح بتشربوا فنجان قهوة مع أجمل منظر بالطبيعة، بتاكلوا أطيب ترويقة بلدية بترجعوا بتسبحوا بالمي مع البرودات والحمامات، بترجعوا بتاكلوا ميزا لبنانية على الأصول بمطعم زيون وبتكفوا نهاركن بالمي إنتو وعم تشربوا كاسة عصير وتشوفوا المغيب ورا الجبل.

وهيك بتقضوا وقت من العمر!

شو حلو هل منظر!

وشو حلوة هل قعدة.

الرقم: 086 777 70