٢٧ عبارة طرابلسية ما رح يفهموها غير أهل طرابلس

قد ما نلف وندور ولو برمانا السند والهند ما رح نلاقي أهضم من اللهجة الطرابلسية، وأهل طرابلس، وخفة دم أهل طرابلس وطيبة قلبن. صراحة إيام منحس بدنا ترجمان لنفهم على أهل طرابلس وكمان ما فينا ننكر إنا مننطر مناطرة نشوف حدا من أهل طرابلس عم يحكي قدامنا أو على التلفزيون لنسمع اللكنة ونستمتع.

تعوا نشوف هل عبارات يلي منسنعها من أهل طرابلس أو “طروبلس” ولي كتير بتطلع مهضومي منن.

١. أطرميز: مرطبان

٢. مراكبي: حامض

٣. التبسة: صحن كبير

٤. اجاز: قزاز

٥. اجا: إذا

٦. مسكلة: موتوسيكل

٧. سجرة: شجرة

٨. بشكير: منشفة كبيرة

٩. بابوج: صباط بيلبسوا النسوان وجايي من التركي كرمال هيك المتل بقول “من البابوج للطربوش”

١٠. سداجة: يعني سجادة

١١. قاعد مجاش: بعد ما إجا

١٢. بلعوط: كذاب

١٣. لز: زيح من طريقي

١٤. نملية: خزانة المونة

١٥. رو رو عمي: روق يا عمي

١٦. صرن ورن: بس تجمع كل شي غراض مع بعضو

١٧. اوطى من الشفرة: واطي

١٨. يلا حميل حالك و آرش من هون: فل وفلقنا بريحة طيبة

١٩. عمنوّل: سنة الماضية

٢٠. شيل الخسيل: شيل الغسيل

٢١. وينو ليكواكه: يحوي هون

٢٢. تاطلي: مربى

٢٣. قاعدين عم نتمشى: هل عبارة حيّرت كل لبنان

٢٤. عودي: عادي

٢٥. متل قملة الطاطي: لزقة وما بحس على دمو

٢٦. يا صباح الشوم: يا عيب الشوم

٢٧َ. لازم ضبط السداج: لازم ظبط السجاد

تحية من القلب لأهل طرابلس!

وإنتو شو عبارتكن الطرابلسية المفضلة؟