أحلى بيكنيك بأحضان الطبيعة عند هالمحل بشمال لبنان

عبالكن تعملوا بيكنيك بالطبيعة؟ شوفوا هل محل بجربتا يلي رح يعيشكن لحظات ما بتنتسى.

مطعم بيوماس بجرود البترون مطرح خيالي بأحضان الطبيعة رح ياخدكن على عالم تاني مليان شجر صنوبر ولزاب وخضار وأكل طيب.

بس توصلوا على بيوماس رح تحسوا بالسحر الموجود والجمال يلي بتعجز الكلمات عن وصفو: شجر، مراجيح، طاولات وكراسي خشب، مزرعة، حيوانات، قعدة بالغابة، مشروب وعصير، ورود وأكل كتير طيب.

هل محل بقدملكن أكتر من خيار، فيكن تجوا تاكلوا بالمطعم وتقضوا نهار، أو تشتروا مونة بلدية من طاولة بيوماس وترجعوا تقضوا وقت حلو بالطبيعة أو تعيشوا لحظات ساحرة بقلب الطبيعة وتعملوا بيكنيك على الأرض.

القصة وما فيها إنو بس تطلعوا رح يعطوكن سلة مجهزة بكل شي لتعيشوا راحة نفسية وتاكلوا أكل طيب. بتقعدوا على العشب الأخضر، بتفرشوا الشرشف بتحطوا البرنيطة وبتفلشوا الأكلات.

أهم شي إنو كل شي صحي وبلدي.

تخايلوا قاعدين هل قعدة بالطبيعة، مادين إجريكن وعم تلقمشوا أطيب أكل.

هل بيكنيك فيو يكون المفاجأة الرومانسية يلي عم تحضروها لحبيبكن! ما في أحلى من هيك قعدة رومانسية مع شوية حب وصور حلوة.

وإذا ما عبالكن بيكنيك، فيكن تجوا تتغدوا، بيعملوا بوفي والأكل غير شكل. كل شي بيعملوا على الإيد، صحي وفي كتير طبخات لبنانية وبيعملوا كمان مناقيش وحلو وأطباق نباتية بتشهي.

شو أطيب شي صراحة؟ كل شي كتير كتير طيب بس أكيد ما فيكن تفلوا من دون ما تدوقوا الفريكة بخضرا لي بيعملوها.

شوفوا جمال هل القعدة!

فيكن كمان تشتروا كل شي حبيتوا من المونة من طاولة بيوماس، كل شي من رب الرمان للماء ورد.

وفي محل ليلعبوا ولادكن كمان.

فسمعوا منا وقضوا نهار بهل محل وعيشوا تجربة ما بتنتسى!

فيكن كمان تحتفلوا في بكل مناسباتكن الرومانسية والعائلية.

العنوان: جربتا، البترون، شمال لبنان

للحجز والاستفسار اتصلوا على 532 532 03