٢٠ عبارة لبنانية حيّرت البشرية

عنا بلبنان عبارات كتير غريبة ما منعرف ليش منستعملها كل يوم وكل لحظة بس ما فينا إلا ما مستعملها.

١. أنا إذا عصبت بعصب

يعني إذا فهمتوا شي خبرونا

٢. بدنا نروح بس مش على الأكيد

بدنا نروح بس ما بدنا ناخدك معنا

٣. إذا صار ما صار بعطيك خبر

وهيدي كتير مهضومة بس هيك بلا معنى

٤. شي تك تك شي تيعة

هل عبارة عجزت البشرية تفسرها بس بالحقيقة، كل الموضوع وما فيو إنو اللبناني مش على ذوقو الخبرية

٥َ. يحبك حب وغضب الربّ

ما بعرف ليش كلنا منضحك بس نسمعها وهي فيا دعوة مش منيحة هل عبارة

٦. ياي إنت جيت

وهوي بكون شايفك بس ما في ما يقولها والجواب على طول بكون: لا والله بعدني هونيك

٧. ليكي حبيت بس ما حبيت

هاي متل آه فهمت عليكي

٨. شو في ما في

أو شاكو ماكو يعني شو الأخبار بس على اللبناني

٩. والله متذكر بس نسيت

قدي بتعصبوا بس تسمعوا هل جملة؟

١٠. شو عم تعملوا ؟ ماشي قاعدين عم نتمشى

كيف يعني ماشي بس قاعدين بس عم تتمشوا؟ كيف ركبت هل جملة على بعضها من الأساس

١١. يخرب بيتك حبيتك

يعني ضروري ينخرب بيتو بس تحبي؟

١٢. شوف هيدا لي وراك بس أوعا تطلع

مين هيدا؟ كيف بدي شوفوا إذا ما بشوفوا؟ معقول هل حكي؟

١٣. زيح هكرح (هيك راح)

يعني زيح لتاني الميل وافسحلي الطريق

١٤. فلقتونا بهل… والرز بحليب

هاي بس يمتعض اللبناني بيدحش عبارة الرز بحليب وين ما كان ليعبر عن امتعاضو، مع إنو الرز بحليب طيب ما بو شي

١٥. من أول دخولو شمعة عطولو

شو خص الشمعة؟ بتحس لي مركب هل جملة بس كرمال يلاقي قافية بالآخر

١٦. حبيتك وين بيتك

إنو هوي المعجب الcool والمفروض البنت تستهضموا بس يقولها

١٧. على شو ناوي يا كبير

هاي يعني الله يستر في مصيبة عم تتحضر

١٨. إيام ال1500

عبارة جديدة دخيلة على اللغة اللبنانية، حتى لو ترجمناها لكل لغات العالم ما حدا بيفهمها وبيعرف طعمتها غير اللبناني وما إلنا قلب نحكي أكتر

١٩. بتعرف شو؟ كمشو

هاي بس تلاقي لبناني زهقان ببلش يخبرك هل خبار أو يمكن يقلك: ما عرفت مين مات؟ دفتر العلامات، هيدي version الولاد الزغار

٢٠. والله كبر السبع وشاب

هاي بتسمعوها كل ما تفقعوا أهلكن جواب مرتب والمعنى إنو كبر الزغير وصار يعرف يجاوب أهلو