٩ محلات ألعاب لولادكن مناسبين لضهرة عيلة

كل العيلة والأصحاب تعوا نكتشف وين فيكن تروحوا مع الولاد وتخلوا ولادكن يقضوا وقت ما بينتسى، يلعبوا ويتسلوا ويحبونكن كتير.

١. دينو سيتي، جعيتا

دينو سيتي عالم خيالي رح ياخد أطفالكن على العصور الأولى ويعيشن مغامرات متل الأحلام وبيحتوي على أجمل وأكبر الديناصورات يلي بتجذب الأطفال. متحف الديناصورات بوفر للولاد من كل الأعمار الفرصة ليتسلوا ويتعلموا بنفس الوقت عن الزواحف. وفيكن تختموا جولة التاريخ والثقافة، بجلسة ممتعة للكبار جنب الحديقة مجهزة بألعاب متنوعة للزغار ومتوجة بمجسم لشخصية «KING KONG» الخرافية، وبتاخدوا حدو أحلى الصور التذكارية، ورح تلاقوا كمان مطعم عندو هندسة معمارية بتردكن لإيام زمان.

الرقم: 999 395 81

٢. مدينة الملاهي جب جنين Jeb Jannine Wonderland، جب جنين-البقاع الغربي

مدينة ملاهي للولاد فيها ألعاب مائية وهوائية للزغار والكبار، ألعاب وجلسات عائلية مرحة لتمضوا أحلى وقت مع الولاد وفيكن تجيبوا أصحابكن كمان.

الرقم: 444 661 08

٣. صور واتر بارك Sour Water Park، صور

هيدا المحل غير كل المحلات، عندو أجواء بتسلي وأسعار منيحة ليرجع الفرح لقلوب الكبار والزغار هل صيفية. هل محل في كافي، محل للكارتينغ، وصالة مخصصة للأطفال. في كمان حمام تركي، حمام بخار، سونا، نادي رياضي، وألعاب ترفيهية.

الرقم: 309 500 03

٤. إكسبلور أدفانتر بارك Explore Adventure Park، صور

هل محل مناسب لضهرة مع العيلة والولاد فيو ألعاب وجلسات للولاد مع حديقة حيوانات كتير مهضومة وبركة كبيرة رائعة الجمال فيا بطات وفي أسد كمان.

الرقم: 905 990 81

٥. هيل هاوت HillHout Village، الخنشارة

محل مليان ألعاب، مغامرت ونشاطات خارجية وجلسة بالطبيعة لكل العيلة. بهل مساحات الخضرا فيكن تعملوا بيكنيك بأحضان الطبيعة أو تناموا وترتاحوا على الغازون وتشربوا أرغيلة إنتو وناطرين الولاد يخلصوا لعب.

الرقم 711 757 70

٦. بيبلوس فان بلانيت Byblos Fun Planet، جبيل

محل مليان ألعاب وأجواء مرحة للولاد، بيعمل ألعاب، مسرحيات ونشاطات كتير مهضومة مع موسيقى ورقص وأسعار منيحة.

الرقم: 833 882 78

٧. نادي ومربط العاديات الفروسية Al Adiyat Equestrian Club، النبطية الفوقا

هل محل مناسب للولاد لي بحبوا الأحصنة والمغامرت، أو لكل حدا عبالو يجرب ركوب الخيل لأول مرة.

الرقم: 299 463 71

٨. أوكلاند ناتور بارك Oakland Nature Park، حاصبيا

محل ألعاب ونشاطات للولاد مع مركز للتخييم وحلبة كارتينغ ومطعم. فيكن كمان تركبوا الخيل، تتفرجوا على للحيوانات أو تعملوا بيكنيك.

الرقم: 777 166 76

٩. كيدزيلا Kidzilla، الفوار-أنطلياس

محل مليان ألعاب وأجواء مرحة للولاد ونشاطات ومسريحيات ورقص وموسيقى. الحلو إنو على طول بيعملوا نشاطات جديدة بتنمي حس الوعي والتحليل عند الولاد مش بس قصص للتسلية.

الرقم: 719 161 76