٩ محلات فيكن تعملوا فيها بيكنيك بأحضان الطبيعة بلبنان

إجا الربيع والطقس الحلو والزهور زهرت من أجمل ما يكون وهلق أحلى وقت لنعمل بيكنيك بالطبيعة بفيّ الشجرات والبرودات قبل ما تشوب الدني كتير.

لهيك حبينا نوفر عليكن التنبيش ولقينالقن المحلات يلي فكن تعملوا فيا بيكنين مع الأصحاب والعيلة والولاد أو الحبيب بلبنان وتقضوا أحلى وقت وتاخدوا أجمل الصور بالطبيعة.

١. أرصون فيلادج، أرصون، بعبدا

عبالكن قعدة تحت الصنوبرات وشوية مغامرات؟ توجهوا صوب أرصون فيلادج واستمتعوا بالهوا الربيعي وفيّ الشجرات. وفي كمان مقاعد ومخيمات وبييوت خشب ليلي بحب ينام بالطبيعة.

الرقم: 111 226 71

٢. هيل هوت HillHout Village، الخنشارة

هيل هوت مكان مميز فيكن تحتفلوا في بجميع مناسباتكن وفيكن تعملوا بيكنيك كمان. محل مثالي للعيلة خاصةً إذا في ولاد لأن في كتير ألعاب مهضومة ونشاطات وزينة. إذا عبالكن تقضوا ليلة بالغابة، في كمان بيوت خشبية كتير مرتبة.

الرقم: 711 757 70

٣. سوينغز Swings، زرعون-المتن

سوينغز محل مثالي للبيكنيك ولتروقوا أعصابكن بالطبيعة وتسترخوا. وإذا مش جايبين معكن أكل، فيكن توصوا عندن من المطعم والأكل كتير طيب، وفي أرغيلة كمان ونشاطات وألعاب للولاد.

الرقم: 648 796 03

٤. ذا باين ياردز The pine Yards، مار موسى-الدوار

موقع هل محل كتير حلو بأجمل نقطة بالمتن بطل على أحلى منظر. البيكنيك بهيك محل رح يسحركن، حتى فيكن تعترفوا بحبكن بهيك محل. القعدة بالطبيعة بترد الروح مع لقمة طيبة.

الرقم: 629 281 03

٥. فريحة فالي Freiha valley، دير الحرف

محل مميز وموجود براس المتن ومحاط بالطبيعة. منظر بغيب الشمس بيحبس الأنفاس. القعدة رواق فيكن تعملوا أحلى بيكنيك وتولعوا نار وتناموا بالخيم إذا بدكن.

الرقم: 835 946 03

٦. لا فيستا بيكنيك، الجاهلية-الشوف

لي بميز هل محل إنو في حدو نهر وشلال بياخد العقل وبركة مي، يعني بتاكلو ببرودات الشوف تحت فيّات الشجر وعلى صوت المي.

الرقم: 324 576 70

٧. لا بوهيم، مار موسى-الدوار

لا بوهيم محل مليان ألوان وسحر مثالي للعيلة. فيكن تعملوا في بيكنيك وتجيبوا أكل وعطول في نشاطات وألعاب للولاد وزينة.

الرقم: 647 411 03

٨. لو كامب، دير الحرف

دير الحرف من أجمل المناطق بلبنان وهل محل بالذات الموجود بين الشجر رح يسحركن وياخدكن على محل تاني. البيكنيك من العمر والنشاطات مهضومة كتير.

الرقم: 677 355 76

٩. مغراق عبدلي، البترون

استمتعوا برحلة ساحرة على ضيعة مغراق الغرقانة بالمي والبيت الخشب لي مخبى فيها وعملوا أحلى بيكنيك. هيك قعدة بدها مشاوي من دون شك، طلعوا معكن اللحمة والكفتة والطاووق وهني بيعطوكن المنقل. تجربة بتاخد العقل !

الرقم: 118 861 71