سندويشات ولا أطيب من هيدا المحل ب صيدا

تعرفوا على سناك ميدوس، بيعمل أطيب الساندويشات والبرغر موجود بمنطقة صيدا.

ميدوس عندو أطيب ساندويش روستو بلبنان!

صرلوا أكتر من ١٥ سنة بالمنطقة والقريب والبعيد والزغير والكبير بيطلب من عندو. إشتهر ميدوس بالساندويشات، البرغر وساندويش الرستو الغير شكل لي بضيف عليها لمستو الخاصة. لقمة طيبة وبتشبع، سناك ميدوس هو جوهرة مخفية.

هل محل بيعمل ساندويشات بتشهي! عطول في شي جديد والخبزة كتير طرية.

عنجد لي ما بيعرف ميدوس عم بروح علي كتير! شوفوا الساندويشات بينعملوا بخبز فرنجي أو لبناني. وكمان بيعملوا ساندويشات بالتوست. في كمان ساندويش الجبنة والدجاج فيا تلات أنواع جبنة وبتمغط بالتم.

البرغر شي كتير طيب وجوسي، مارح تصدقوا في هيك لحمة طيبة. مش بس هيك، بيعملوا برغر بالخبز اللبناني بتشق النفس! بيعملوا كمان برغر مع فطر وبرغر مع بيض. الروستو برغر معرمة منيح ومحشية بس منها دلعة أبداً، مننصحكن تجربوها لأن من إختصاص المحل.

شو ناطرين ما تجربوا؟

العنوان: شارع رياض الصلح، بناية فرح ٢، صيدا

الرقم: 672 727 07