أجمل مسلسلات رمضان شفناها على الإطلاق

أيا مسلسل كان مسلسلكن المفضل؟

1. قلبي دق

كلنا منتذكر إطلالة كارين رزق الله المميزة بالمسلسل ويورغو شلهوب وكاس النبيد وغنية مروان خوري وكل التفاصيل لي أثرت فينا.

2. الهيبة ١

كلنا منتذكر الضجة لي عملها مسلسل الهيبة أول ما نزل كيف الكل حب تيم حسن ونادين نجيم مع بعض وهيك “جبل شيخ الجبل” صار شخصية العام.

3. سنعود بعد قليل

مسلسل سوري لبناني بدور أحداثو بلبنان بعد هجرة العيلة بسبب الحرب، قرر البي نجيب (دريد لحام) يرجع على لبنان ليشوف ولادو تغيروا كتير وبطلوا عم يمشوا متل ما بين رباهن.

4. مش أنا

مسلسل كارين التاني لي كل الناس تابعته وحبو كتير من ورا دور كارين الطريف وجمال الثنائية بين كارين وبديع أبو شقرا. ومتل العادة كارين ما كانت تشيل كاس النبيد من إيدها.

5. زمن العار

هل مسلسل السوري دخل لقلوب اللبنانيين، بطولة سلافة معمار وبسام كوسا، بيحكي عن معاناة بنت كرست حياتها وشبابها لخدمة إما المريضة، كبرت وصار في عندها صعوبة تتجوز لحد ما بيطلع بوجها جميل جوز صديقتها الوحيدة صباح.

6. كرامل

كان من أضحك المسلسلات لي شفناها بلبنان مع ماغي بو غصن وظافر العابدين. حبة كراميل غيرت حياة مايا لي خلتها تصير تقرا الأفكار براس الناس وهيك مايا صارت تعرف النوايا المخباية.

7. لعبة الموت

مسلسل لبناني، سوري ومصري بطولة سيرين عبد النور، عابد فهد وماجد المصري. بتحكي القصة عن عاصم غريب (عابد فهد) لي عايش هاجس خوف من الرجال المحيطين بمرتو نايا (سيرين عبد النور) وهي بنت حلوي، بضيق عليها حياتها وبتطلب طلاق فببلش يهددها بالقتل. وبس تبطل تلاقي طريقة لتخلص منو بتنط بالبحر بس كانو سوا برحلة على اليخت، وبيبقى عاصم عايش على أمل إنها ترجع. منرجع منشوف نايا بمصر عايشة حياة جديدة عم تشتغل بشركة هندسة المهندس كريم الشافعي.

8. تشيللو

مسلسل لبناني سوري مشترك بطولة نادين نجيم، تيم حسن ويوسف الخال. بدور قصة المسلسل حول “ياسمين” عازفة التشيللو الشهيرة لي بتعيش حالة صراع مع مشاعرها لشخصين، الأول هو جوزها “آدم” عازف البيانو، والتاني هو رجل الأعمال “تيمور” لي عم بساعدها تحقق مشروع أحلامها.

9. باب الحارة ٢

أشهر مسلسل سوري على الإطلاق بيحكي عن يوميات حارة الضبع إيام الإنتداب الفرنساوي. بيتألف من كتير أجزاء لكن الجزء التاني كان الأنجح. مين ما بيتذكر دور الحكيم “أبو وعصام” لي مجوز “سعاد” لي بضل علىقانة مع “فريال” وعيلة “أبو خاطر” وبناتو وخيها لسعاد أبو شهاب وكل الشخصيات لي ربينا عليها.

10. تانغو

بدور الأحداث حول رجل الأعمال عامر ومرتو ربة المنزل لينا، والمهندس سامي ومرتو معلمة التانغو فرح، بتجمع الأربعة صداقة متينة لكن الأسرار بتخلي الغموض يتسرب على حياتن خاصة بعد عدة حوادث خلت الحب يتحول لخيانة وإنتقام ليرجع يولد من جديد مع حدا تاني.

11. الكاتب

بطولة باسل خياط، دانييلا رحمة وندى بو فرحات. بتحكي الأحداث الأولى عن نجاح فيلم الكاتب يونس جبران، لي بيلتقي بعشيقته الطالبة تمارا ببيتو بالجبل وهيك بصير يبلش يشك إنو حدا عم براقبو وبنهاية الحلقة الأولى بلاقو تمارا مقتولة بالجبل وهون بتبلش الأحداث المشوقة.

12. الأخوة ١

مسلسل مشترك بطولة تيم حسن، أمل بوشوشة ونادين الراسي. بتبلش الأحداث بس يفكروا الإخوة الخمسة إنو حياتن صارت أحسن بعد ما ورتو ورتة كبيرة عن بين فريد نوح بس المفاجأة بتصير وقت تظهر ميرا بنت فريد نوح الغير شرعية لي بتصير طالب بحصتها من الورتة بعد ما طلب بيها ينكتبلها القسم الأكبر من الورتة.