١٧ شغلة فيكن تعملوها بس تروحوا على بكاسين الساحرة

بكاسين قرية ساحرة صاحبة طبيعة سامية وخلابة بيتميز بالأعشاب العطرية، المهرجانات السنوية وغابة الصنوبر العظيمة وهي وحدة من أفضل القرى السياحية بالعالم بحسب منظمة السياحة العالمية (UNWTO).

بكاسين ضيغة قديمة بعود تاريخها للعصر الفينيقي ومنطقة سياحية بإمتياز، في كتير قصص فيكن تعملوها بس تزوروا هل مكان الحلو.

1. جربوا منقوشة زعتر بلدية معمولة على الطريقة البكاسينية من عند Tartes et Tapenades.

الرقم: 787 703 81

2. زوروا كنيسة مار تقلا الأثرية من إجمل الكنايس وفيكن تجوا بأيلول وقت المهرجانات لتعيشوا أجواء ما بتنتسى.

3. اكتشفوا غابة الصنوبر العظيمة وخدوا أجمل الصور.

4. تتزودوا بأجود أنواع المونة والصنوبر من أرض بكاسين المباركة عند J Grove.

الرقم: 769 800 81

5. تمشوا بالضيعة وتعرفوا على البيوت التراثية.

6. تمشوا بحرش بكاسين وتعرفوا على الطبيعة الساحرة.

7. عملوا بيكنيك بالطبيعة تحت في الصنوبر (ما تنسوا تنضفوا وراكن).

8. كلوا أطيب لقمة لبنانية وبوفي بأحضان الطبيعة ببيت الغابة.

الرقم: 222 800 07

9. جربوا النشاطات الخارجية والرياضية بالطبيعة بهل محل.

10. فيكن إذا حابين تقضوا ليلة من العمر ببيت الغابة.

11. زوروا ساحة بكاسين والسوق العتيق.

12. جربوا أكلات بكاسين التراثية: الليكور، المردرة ببصل وكبة اللقطين.

13. تفرجوا على المنظر البانورامي لجبل نيحا ووادي الجيد وقت المغيب.

14. جربوا “ليالي بكاسين” الSpecialty الشهيرة، وهيي عبارة عن حشو موز مع كريما مغطا بالقشطا مع رشة فستق مقرمش وكتير من الحب.

15. اشتروا منتوجات بكاسين البلدية وضروري وإهم شي تشتروا صنوبر وزيت من بكاسين من الأطايب بالعالم.

16. قروا كتابكن المفضل بنص الطبيعة مع شوية موسيقى واستكشاف.

17. ما تغادروا من دون ما تاخدوا souvenir من عند Tartes et Tapenades.

الرقم: 787 703 81