١٧ شغلة فيكن تعملوها بس تروحوا على جبيل

جبيل من أجمل مدن لبنان والعالم، ومع كل زيارة منتعرف على محلات جديدة مليانة حب وجمال. تعرفوا هل المحلات المهضومة لي فيكن تشوفوها بجبيل مع أصحابكن والناس لي بتحبوهون.

1. بلشوا نهاركن بترويقة تقليدية غير شكل عند خان جبيل.

2. عملوا كزدورة صوب جنينة جبيل وفيكن تركبوا البيسيكليت أو تقعدوا تسولفوا.

3. اشتروا هدايا تذكارية من سوق جبيل العتيق وتفرجوا على الطرقات الحلوة.

4. ميلوا على معرض Mémoire du Temps وشوفوا حفريات السمك والحجار القديمة لي عمرها ملايين السنين بتحكي ألف قصة وقصة. فيكن تلاقوا هدايا ب5$.

5. اشتروا أطيب بوظة من عند النشواتي بالسوق وكفوا مشواركن على السنسول وقضوا وقت حلو وخدوا أجمل الصور.

الرقم: 008 943 09

6. جيبوا معكن سنارة وجاط وصيدوا سمك على السنسول وتفرجوا على منظر المغيب.

7. عملوا ذكريات ما بتنسوها بحياتكن واستكشفوا بيت الحسامي الشهير، البيت الأسطوري بجبيل على البحر.

8. تفضلوا على أطيب سفرة لبنانية بمطعم كسار.

الرقم: 541 541 09

9. زوروا متحف الشمع وشوفوا الشخصيات الشهيرة المصنوعة بالشمع متل شي لوحة فنية.

10. إذا شحرقتوا على قهوة، دوقوا أطيب فنجان قهوة تركية بالسوق العتيق.

11. زوروا معبد أوبليكس والأثارات الفينيقية العتيقة والقلعة العظيمة.

12. روحوا على كاراج السوق، شتروا وبيعوا قصص يديوية وشغل إيد. فيكن تزورو بنهاية كل أسبوع!

13. كلوا أطيب كوكتيل وعصير وبوظة بهاواي.

الرقم: 778 942 09

14. زوروا أقدم كنيسة بلبنان، كنيسة مار يوحنا مرقس المليانة عظمة وخشوع.

15. عملوا شوبينغ بأكبر محل تياب بجبيل Le Grand Magasin وفي من كل شي. هل محل بوج سوبرماركت جبيل ويعتبر من تراث المنطقة وحبيب قلب أهلها.

16. شوفوا منظر المغيب الساحر من فوق شي بيحبس الأنفاس بHaven the Cabin مع فنجان نيسكافي وغنية حلوة.

الرقم: 157 576 76

17. زوروا شط جبيل وعملوا قعدة رومانسية، الرحلة لهل محل ساحرة وما بتنتسى.