٧ أفلام ومسلسلات لبنانية على شبكة Netflix

مع الشتي والبرد لي عم نعيشن، ما في أحلى من إنو نقضي وقت بالبيت مكنكنيين حد النار وناكل بوشار وفنجان شاي ونحضر Netflix ونتسلى.

شوفوا أفضل 7 برامج عنا على Netflix.

1. للموت

إذا كان عبالك تحضر مسلسل درامي مليان مؤامرات فاضحة، هل مسلسل على القد. بيحكي عن قصة رجال مجوز بروح رحلة شغل وبيتعرف على بنت مثيرة للإهتمام وبيتعلق فيا، وبتفرجي الأحداث كيف بأثر هل لقاء على حياته وزواجه.

2. مطلوبين

كلنا بيطلع على بالنا نضحك وهيدا فيلم كوميدي بيحكي عن أربعة ختيارية هربوا من المقوى وصار معن حوادث ومغامرات ما بتخلص.

3. الكاتب

بهل مسلسل بصير كاتب القصة الأكثر مبيعًا المشتبه الرئيسي بجريمة قتل بتشبه بشكل غريب حبكة قصته. هل مسلسل عبارة عن عرض تلفزيوني لرواية ل أغاتا كريستي.

4. أولاد آدم

أولاد آدم مسلسل من بطولة ماغي بو غصن ومكسيم خليل بيتألف من 30 حلقة مليئة بالدراما مع كشف الأسرار ومغامرات الشخصيات الرئيسية.

5. دولار

دولار عبارة عن مسلسل من 15 حلقة بيحكي عن مسعى طارق (عادل كرم) وزينة (أمل بوشوشة) لي بقرروا يجتمعوا كرمال يحققوا هدف مشترك – يلاقوا فاتورة بقيمة 1،000،000 دولار. إذا بتحب عادل كرم، الدراما و الرومانسية، هل مسلسل إلك.

6. 1982

انعرض أول مرة بمهرجان تورنتو السينمائي الدولي وحصل على جائزة NETPAC. هل الفيلم بطولة نادين لبكي ومحمد ضلي، بيحكي هن قصة صبي صغير بيتردد يعبر عن حبه لرفيقته بالصف بآخر يوم مدرسة إلن بزمن الاجتياح. قصة حلوي وحزينة بنفس الوقت.

7. أصحاب ولا أعز

بتدور قصة الفيلم حول مجموعة من 7 أصحاب اجتمعوا على العشا وقرروا يلعبوا لعبة، بتقول إنو لازم كل حدا يحط تليفونه على الطاولة شرط تكون الرسايل أو المكالمات لي بتوصل مكشوفة للكل، ضغري تحولت اللعبة لي كانت بالأول ممتعة وشيقة لنقمة، وصارت تكشف الفضايح والأسرار لي ما كان حدا بيعرف فيا، حتى الأزواج وأقرب الأصحاب. كل هل عوامل اجتمعت لتعمل من هل فيلم حديث الساعة وخاصةً على وسايل التواصل الإجتماعي.