الخان المقصود: بيت ضيعة ومطعم لبناني بلدي بالبقاع

“البقاع” هي منطقة الثمار والتاريخ والجبل والسهل ومدينة الجمال، الدفا والصمود… شو في أحلى من إنو كل هل الصفات تكون موجودة بمنطقة وحدة؟

الخان المقصود مطعم وبيت ضيافي لبناني تراثي بتعنايل بيتميز بقعدة بسيطة بالطبيعة.

المطعم بقدم أطيب لقمة لبنانية من منتجات البقاع وبتشرب أطيب كاسة عرق من الكركة البلدية، شي بشهي.

كل المنتجات بلدية أصيلة معمولين بحب وغرام وبركة.

النومة بتعقد بالمزرعة مع الطبيعة، البيت معمول على الطريقة القديمة الجبلية الجردية.

بس توعوا رح تاكلوا ترويقة بلدية غير شكل من الضيعة مع لبن ولبنة وحليب من المزرعة.

لتبلشوا يوم مميز لازم تكون ترويقتكن مميزة على الصاج مع أطيب مناقيش مشروحة من الجبنة والزيتون للزعتر والكشك وكتير أنواع ولا أطيب.

كل شي شغل المزرعة وأكل بيت.

هل بيت عبارة عن جنة صغيرة بيتألف من 7 غرف، وأكيد ما في أجمل من الكزدورة بالجنينة واكتشاف المزرعة لي بتصنع أجود المنتجات البلدية الطازة.

بتعرفوا شو الحلو؟ أرباح المشروع بتروح لدعم جمعية أرك آن سيال لي بتساعد الأشخاص ذوي الإحتياجات الخاصة.

للمزيد من المعلومات اتصلوا على: 279 124 03