أشهر الأسامي بلبنان وشو بتعني

تعرفوا على المعنى اللغوي لأساميكن.

رامي: هو اسم فاعل من رمى وبيعني الشاطر برياضة الرماية، والقناص لي بيلقي بسهامه وبصيب، والرامي هوي السبّاق بالقصص.

بشير: البشير هوي لي حامل بشرى سارة.

جويس: بيعني السعادة والفرح.

كاترين: إسم يوناني بيعني الطاهرة، والمخلصة، صاحبة القلب الصافي، والنقي متل الجوهرة.

رولا: يعني المرا الحلوي.

فاطمة: إسم عربي بيعني فطم النفس عن إرتكاب خطايا.

مايا: إسم من أصول عبرية، وهو إسم آلهة الربيع عند الرومان وإسم زوجة البركان.

عمر: جايي من العربي القديم وبيعني العمر وسنين الحياة وصار إسم محبب عند كتار حباً بعمر بن خطاب.

خليل: خليل هوي الصديق الوفي والمخلص.

لما: بيرمز هل إسم للجمال، وبدل على الثبات والشخصية القوية.

لين: إسم جايي من الإنغليزي القديم بيعني شلالات مي أو الليونة والمرونة بالإلماني القديم يعني البنت الرقيقة.

تالين: إسم أرمني على إسم منطقة بأرمينيا. يقال حملة هل إسم بتكون متزنة وعارفة شو بدها بالحياة.

ماريان: إسم فرنساوي جايي من من ماري بالاتيني وآن بالعبري وبيعني نجمة البحر.

جو: جو جايي من يوسف وبيعني الله عطاء.

بيتر: إسم يوناني بيعني الصخرة يعني حامل هل إسم متل الصخرة فينا نتكل علي.

طارق: الطارق الأبواب بالليل أو زائر الليل أو أمير الليل.

ميشيل: إسم عبري بيعني مين متل الله.

وسام: بيعني علامة الشرف أو الفخر.

حنا: إسم عبري بيعني الله تحنن.

يوسف: إسم عبري بيعني الله بيعطي.

نايلة: إسم لبناني بيعني البنت لي بتحصل على مبتغاها.

منى: من أجمل أسامي البنات القديمة، وهو جمع كلمة أمنية، أي الرغبات لي بيتمناها الإنسان.

شربل: إسم سرياني مركّب من: شار (ومعنا القائد أو الحامي)و ب(ابن) و إيل(الله بالفينيقي والسرياني) بيعني شربل أو «إبن الإله الحامي».

سلوى: بيعني كل شي يسلي عن الكرب والهموم والأحزان.

سيرين: إسم يوناني بيعني الوردة المفتحة.

جويل: إسم عبري بيعني يهوا هوي الربّ.

باميلا: إسم هندي بيعني البنت البريئة.

نانسي: بيعني النعمة.

علي: بيعني الرجل الصلب، الشريف وصاحب المكانة العالية.

إيليسا: إسم لبناني جايي من الإسم الفينيقي إيليسار ملكة قرطاج.

يارا: إسم لبناني بيعني فراشة زغيرة.

سارة: إسمي عبري بيعني أميرة.

كريكور: إسم أرمني بيعني الشخص لي بضل متنبه ومنتبه.

فارتان: إسم أرمني بيعني الوردة.

محمد: إسم عربي مذكر مشتق من الفعل حمد يعني المبالغة بالحمد والشكر. وإجا منو كتير أسامي متل محمود، أحمد، حامد، حماد، حمد، حميد.

حسين: أو حسن بيعني الجبل العالي.

جاد: إسم مذكر جايي من الجود أو الكرم.

نور: بيعني الضياء والإشراق.

لارا: بيعني البنت النبيلة أو الراقية.

ليا: إسم توراتي بيعني المرأة الحزينة ولي بتميل للكآبة.

هاغوب: إسم أرمني بيعني الخليف أو حامل الإرث.

جورج: إسم علم مذكر من أصل يوناني بيعني عامل الأرض.

سينتيا: إسم يوناني لوحدة من آلهة القمر الأسطورية، وبدل الإسم على إنها ولدت على جبل Cynthus.