١٢ محل بقدموا أطيب سندويشات وكرسبي بلبنان!

كلنا منحب الدجاج، وعنا نقطة ضعف للمقلي! شوفوا معنا ١٢ محل بيعملوا أطيب كرسبي بلبنان، وكلن بوصلوا عالبيت كمان!

١. CHCKN.CO

هيدا المحل موجود بالحمرا ومشهور بطيبة الدجاج عندو! إذا ما مجربينوا، شو ناطرين؟

٢. منشيس

ملك البرغر والكرسبي بمنطقة خلدة! القعدة حلوة والأكل غير شكل.

٣. Pepo’s Diner

في أحلى من دمج أطيب أكلتين؟ البرغر على كريسبي أطيب شي ممكن تكلوا عند Pepo’s بصيدا!

٤. هوت شيكس

كل شي في سندويشات موجودة عندو ومعمولين مع لمسة ولا أطيب.

٥. Chops Diner

من أطيب المطاعم بصور، فيكن تلاقوا سندويشات بتشبع وبأسعار كتير حلوة!

٦. 5 شكس

كل شي مقلي رح تحبوا من هيدا المحل بالجناح! عندن أطيب اصناف كرسبي وبرغر وسندويشات غير شكل!

٧. Miniguette

شي مرة مجربين donut برغر مع كرسبي؟ صار الوقت.

٨. Junkbox

إذا رايحين مشوار عالكسليك، مرقوا على Junkbox لتاكلو أطيب سندويش كرسبي مغطس بصوص بربكيو!

٩. سناك LEON

مين بدوا علبة كرسبي مع بطاطا؟ هيدا المحل موجود بالاشرفية ومار مخايل!

١٠. سمير سناك

عندن علبة سعادة عنجد بتجيب سعادة! كرسبي مقرمش وحر مع بطاطا وصوص كتير طيب! كمان مننصحكن بالزنغر!

١١. Go Tango

هيدا المحل بقريطم عندو كل أنواع الأكل بس الجوانح والسندويشات مافي متلن!

١٢. ChicksALot

خبرتن الأكل المقلي والكرسبي موجود بكل صنف! برغر وسندويشات كلن على كرسبي!