قصص بيعملوها الأهل اللبنانيي بس تشتي الدني

لما تشتي الدني ببلشوا الأهل دراما.

1. أول شي بصير إمك بدها تحط شجرة الميلاد على عجلة وبنفس النهار.

2. أهلك دايماً رح ينصدموا كل مرة بتقلن إنك ضاهر: لوين رايح بهيك طقس؟

3. بتشتري الماما pantouffles لكل العيلة مع كلسات طوال بيوصلوا للركبة.

4. بتبلش تسمع “هيدا الطقس بمرض”

5. أكيد بتنزل إمك الشتوي والصيفي: ما بتفرق إذا بعدها الحرارة مقبولة، إجا كانون يعني الكل بدو يلبس كنزات صوف.

6. بتعملوا كل ليلة بريق زهورات وكعك بالبيت.

7. ببلش شوي الكستنا على الستوف والبطاطا المشوية.

8. ببلش التعزيل قبل التسكير.

9. بلشوا أكلات الشتوية: ملوخية، مخلوطة، سبانغ، شوربة، عدس بحامض.

10. ممنوع الطلعة من البيت بلا كبوت ورينجر: بتحس حالك طالع على التلج.

11. ببلش تنشير الغسيل بقلب البيت.

12. وبس تقرر تطلع من البيت رح تسمع هل جملة: رجعوا بكير بطلنا بالصيفية.

13. بتجي على البيت جوعان بتلاقي إمك عاملي صحن سحلب غير شكل.

14. ببلش يطلع على بالكن الشوكولا شو والبوشار وتحضروا أفلام.

15. ممنوع تطلعوا من البيت بلا شمسية من يوم ورايح.

16. بتوصي بيك على صحن بزاق غير شكل.

17. المي المسقعة والبوظة ممنوع بالبيت.

18. صار وقت تنزيل حرامات الشتوية وتشعيل الدفايات.

19. بيك رح يعبي البراد ليمون أبو صرة وشموطي وكليمانتين.

20. وبصير كل نهار جمعة يجيب كيلو سمك على الغدا.

21. العشا كل يوم شوربة ماجي أو نودلز.

22. وبتصير تحس إنو الشتوية ما رح تقطع.