زعلان ومهموم؟ شوف هل نشاطات لي بتفرح القلب وبتروق البال

دايق خلقك، زعلان وعبالك تموه وتغير نفسية؟ زور هل محلات وعيش لحظات حلوة.

1. مولتيفيرس، الحمرا

عبالك تلعب ورق أو مونوبولي وتتسلى شوي؟ زور هل محل وطلوب كاسة شاي وقطعة كايك: دوا!

الرقم: 148 741 01

2. مطعم بيوماس، جربتا البترون

هل ويك أند رح يكون في بوفي ولا أطيب للمرة الأخيرة بهل محل بأحضان الطبيعة، مع صوت العصافير وريحة الأرض وأطيب ناس. كل شي أكل بالفخار والقعدة فيا كتير حب ودفا.

الرقم: 532 532 03

3. قهوة راس بيروت، بيروت

يمكن فنجان قهوة وهوايات بيروت كافيين لترجع تحس بالأمان.

الرقم: 200 259 03

4. سوق الطيب، مار مخايل

هل سوق فيو من كل شي وأكيد لدعم المنتجات اللبنانية وفيك تتعرف على أصحاب المبادرات وأكيد رح تتعلم كتير… وهل جمعة رح يكون في طاولة هندية إذا عبالك تجرب شي جديد.

الرقم: 060 266 81

5. بيت عليا، تنورين

كب همومك بالطبيعة وطلاع على تنورين وقضي ليلة من العمر بعيد عن كل شي مع الناس بتحبن. القعدة مكنكنة ودافية حد النار: ستوف، كاس نبيد، جبنة وكتير حب.

الرقم: 107 708 70

6. مكتبة برزخ، الحمرا

عبالك تفضفض وتحكي عن شغفك وتتعرف على ناس جديدة؟ تعا وعيش أحلى جلسة مع ناس بشاركوك شغفك بالكتب والحياة والجمال، أكيد رح ترتاح نفسيتك.

الرقم: 856 678 76

7. ذا وود فاكتوري، بعبدات

عبالك بيتزا طيبة كتير وجو حلو وأكل ورقص وموسيقى؟ هل محل هيك وأكتر. تعا وفش خلقك ونسا كل هموم الدني.

الرقم: 628 196 71

8. سيتي سكوتر، البترون

لأن البترون وألوان البترون أحلى دوا، شتري كاسة ليموناضة وبروم السوق على السكوتر وقضي نهار بعيد عن المدينة وعجقتها وريح بالك.