شوفوا هل مواقع الثقافية والتاريخية بلبنان

روحوا رحلة ثقافية ورجعوا بالتاريخ سنين لورا واكتشفوا أبرز المعالم الأثرية بلبنان.

1. متحف الكريستال، بيروت (جنب المتحف الوطني)

بيعرض متحف الكريستال مجموعة متنوعة من أجمل قطع الكريستال الملونة.

2. معمل الحرير المهجور، كفرمتا

كان من أهم المعامل بالماضي قبل ما توقف هل صنعة وينترك ليتهدم إيام الحرب.

3. قلعة سان ريمون دو سان جيل، طرابلس

قلعة ضخمة تم بنائها إيام الصليبيي وترممت على إيد العثماني. المنظر كتير حلو، ريحة البحر بترد الروح والحجارة بتحكي.

4. معبد نيحا، البقاع

معبد روماني أثري بيحكي قصة المملكة الرومانية بلبنان.

5. مغارة جعيتا، جعيتا

هل مكان ساحر والجو بقلب المغادرة ببورد وبدفي بنفس الوقت. أول مرة.

6. قلعة سمار جبيل، البترون

هل القلعة العظيمة بتشرف على أجمل المناظر الطبيعية بجبيل والشمال.

7. معمل الصابون، طرابلس

طرابلس مشهورة بصناعة الحرف والصابون، رح تلاقو أشكال وألوان غريبة. مين مش مغروم بريحة الصابون؟

8. حمام العبد، طرابلس

هل حمام رح ياخدك رحلة على تركيا ويعيشك أحلى تجربة تدليك.

9. متحف جبران، بشري

بيت جبران خليل جبران تحول لمتحف وبتلاقو ببشري. قدام المتحف في قعدة حلوة كتير بتشرف على منظر الوادي المقدس.

10. معمل الحرير، القبيات

أكبر معمل حرير بالشرق الأوسط تحول لمركز سياحي وثقافي بالضيعة، بيستقبل مهرجانات ندوات ومناسبات.

11. متحف الشمع، جبيل

متحف بجسد أبرز الشخصيات اللبنانية والعالمية بالشمع.

12. قلعة المسيلحة، البترون

بناها الأسطوري الأمير فخر الدين التاني بالقرن السابع عشر، واستخدمت القلعة لحراسة الطريق بين طرابلس وبيروت. بيعتقد العديد من العلما إنو على الرغم من إنو عمر الحصن ما بيتجاوز بضعة قرون، إلا إنو تم استعمال هل الصخرة كموقع دفاعي من إيام العصور القديمة.

13. قلعة صيدا البحرية، صيدا

تم بناء قلعة صيدا البحرية من قبل الصليبيين بالقرن التالت عشر. سقطت القلعة تحت سيطرة المماليك خلال الحروب الصليبية ودمرت جزئياً. رجعوا المماليك أعادوا بنائها وأضافوا الجسر للشاطئ.